Nghena endzeni

Yana enxaxamelweni wa vumbirhi

Timbhoni Ta Yehovha

Xitsonga

TURKMENISTAN

Nkatsakanyo Wa Tiko Ra Turkmenistan

Nkatsakanyo Wa Tiko Ra Turkmenistan

Timbhoni ta Yehovha ti ve kona etikweni ra le Turkmenistan ku sukela eku heleni ka va-1980. Endzhaku ka loko ri kume ntshunxeko eka Soviet Union hi October 1991, hulumendhe yi sungule ku wu yirisa swinene ntshunxeko wa vukhongeri.

Timbhoni ta Yehovha a ti tsarisiwanga ximfumo etikweni ra Turkmenistan. Timbhoni tin’wana ti tiyisele ku biwa, ku khotsiwa, ku sechiwa ka makaya ya tona ni ku hakerisiwa mali hikwalaho ko endla mintirho ya tona ya vukhongeri. Minkarhi yin’wana, a ti khotsiwa hikwalaho ko hehliwa hi maphorisa. Tanihi leswi tiko ra Turkmenistan ri nga riki na lunghiselelo ro endla ntirho lowu nga fambisaniki ni vusocha, majaha ya Timbhoni ma xanisiwile hikwalaho ka leswi ripfalo ra wona ri nga ma pfumeleriki ku ya enyimpini. Timbhoni ta Yehovha ti yise swivilelo leswi eka Komiti ya Timfanelo ta Vanhu ya Nhlangano wa Matiko ni minhlangano yin’wana ya le matikweni yo hambanahambana.

Hi October 2014, Presidente ya le Turkmenistan yi kombele ku rivaleriwa eka Timbhoni ta nhungu hileswi ti khotsiweke ti nga ri na nandzu. Timbhoni ti kombise ku tlangela ka tona eka hulumendhe ya le Turkmenistan hikwalaho ka ku cinca loku, loku tsakisaka. Ti tshemba leswaku hulumendhe yi ta teka magoza lama engetelekeke leswaku yi sirhelela mfanelo ya ntshunxeko wa vukhongeri.