Seta screen reader

Hlawula ririmi

Yana enxaxamelweni wa vumbirhi

Nghena endzeni

Timbhoni Ta Yehovha

Xitsonga

FEBRUARY 22, 2016
RHAXIYA

Muchuchisi Wa Le Russia A Yisa Xivilelo Xa Leswaku Bibele Yi Ni Khombo

Muchuchisi Wa Le Russia A Yisa Xivilelo Xa Leswaku Bibele Yi Ni Khombo

Ku sunguriwa kungu rin’wana ro yirisa ntshunxeko wa vukhongeri, valawuri va le Russia va yise xivilelo xa leswaku Vuhundzuluxeri Bya Misava Leyintshwa Bya Matsalwa Yo Kwetsima byi ni khombo. Nandzu wu ta tengiwa hi March 15, 2016. Lembe leri nga hundza, vatirhelamfumo lava tirhanaka ni xibalo va le Russia va teke xiboho lexi nga tolovelekangiki loko va ala leswaku Tibibele leti ti rhumeriwa. Goza leri ra sweswinyana ra ku hlaseriwa ka Bibele yo kwetsima ya Vakreste a hi rinene.

Vativi va nawu va le Russia a va yimi na yona mhaka ya leswaku Bibele yi ni khombo. Hambiswiritano, Muchuchisi wa swa Vutleketli eLeningrad-Finlyandskiy u yimelela leswi a swi vuleke hi ku tshaha vonelo ra munhu loyi a nga fanelekiki ku va mutivi wa tindzimi. Loko muchuchisi swo n’wi fambela kahle ehubyeni, swi nga ha endleka leswaku Vuhundzuluxeri Bya Misava Leyintshwa byi yirisiwa ku fambisiwa eRussia.