Seta screen reader

Hlawula ririmi

Yana enxaxamelweni wa vumbirhi

Nghena endzeni

Timbhoni Ta Yehovha

Xitsonga

FURWA

Nkatsakanyo Wa Tiko Ra France

Nkatsakanyo Wa Tiko Ra France

Timbhoni ta Yehovha ta le France ti kume mpfumelelo wa le nawini naswona ti tiphina hi ku gandzela ti ntshunxekile. Hambiswiritano, exikarhi ka va-1990, xiviko xa le palamendhe lexi nga ni nhlokomhaka leyi nge “Mpambukwa eFrance” xi katse Timbhoni ta Yehovha eka nxaxamelo wa mimpambukwa leyi nga ni khombo. Hambileswi a ti nga khumbeki helo eka xiviko xa nawu, xiviko xexo xi tirhisiwe ku hlasela Timbhoni, laha ku veke nkarhi wo ti khomisa tingana ni ku ti kombisa xihlawuhlawu erivaleni.

Eka nhlaselo wa yona lowukulu, hulumendhe yi hakerise Timbhoni xibalo lexikulu hi xikongomelo xo endla leswaku ntsindza wa tona wa le tikweni wu sala wu ri hava mali. Endzhaku ka malembe ya 16 ku ri karhi ku kanerisaniwa hi timhaka leti ta nawu, hi June 30, 2011, Huvo ya Matiko ya Yuropa ya Timfanelo ta Vanhu yi teke xiboho xa leswaku hulumendhe ya le France a yi ti xiximanga timfanelo ta Timbhoni to gandzela ti ntshunxekile. Timbhoni ta Yehovha ti langutane ni xihlawuhlawu eka milandzu yin’wana eFrance, leswi endleke leswaku ti nga nyikiwi mpfumelelo wo aka swin’we ni ku hirha tiholo ta masipala eka mintirho ya tona ya vukhongeri.

Ku khomisiwa tingana ka Timbhoni ta Yehovha hi hulumendhe ya le France swi hambete swi vanga mavondzo ku nga khathariseki vuavanyisi bya ECHR ni ku hlula ka le nawini ka tihuvo ta le ndhawini yoleyo. Hikwalaho ka sweswo, ka ha ri ni minkarhi laha Timbhoni ti xanisiwaka ti tlhela ti onheriwa tindhawu ta tona to gandzela.