Seta screen reader

Hlawula ririmi

Yana enxaxamelweni wa vumbirhi

Nghena endzeni

Timbhoni Ta Yehovha

Xitsonga

MARCH 7, 2016
AZERBAIJAN

Irina Zakharchenko Na Valida Jabrayilova Va Endla Xikombelo Xa Ku Voniwa Ka Vona Nandzu

Irina Zakharchenko Na Valida Jabrayilova Va Endla Xikombelo Xa Ku Voniwa Ka Vona Nandzu

Hi March 9, 2016, Huvo yo endla Xikombelo ya le Baku yi ta yingisela swivilelo swa Irina Zakharchenko na Valida Jabrayilova malunghana ni ku khotsiwa ka vona loku nga riki enawini hikwalaho ko fambisa nkandziyiso wa vukhongeri. Vavasati lava va lava ku ntshunxiwa, va hakeleriwa swikoxo hinkwaswo swa nawu ni ku tlhela va hakeriwa hikwalaho ka leswi timfanelo ta vona ti nga xiximiwangiki loko va ri ekhotsweni ku ringana lembe.

Loko nandzu wu nga si tengiwa, Ntlawa wa Nhlangano wa Matiko lowu Tirhanaka ni ku Khotsiwa swi nga Fanelanga wu humese Vonelo leri a ri vula leswaku valawuri va le Azerbaijan a va ti xiximanga timfanelo ta Manana Zakharchenko na Jabrayilova ni leswaku va fanele va hakeriwa mali tanihi leswi va twisiweke ku vava. Loko yi endla xiboho xa yona xa vuavanyisi hi January 28, 2016, huvo yi honise xiboho xexo kutani yi vona vavasati volavo nandzu.