Seta screen reader

Hlawula ririmi

Yana enxaxamelweni wa vumbirhi

Nghena endzeni

Timbhoni Ta Yehovha

Xitsonga

AZERBAIJAN

Nkatsakanyo Wa Tiko Ra Azerbaijan

Nkatsakanyo Wa Tiko Ra Azerbaijan

Timbhoni ta Yehovha * ti tsarisiwe hi nawu eBaku hi 1999 naswona ti tlhele ti tsarisiwa hi 2002. Eka malembe lama landzeleke, Timbhoni ti kume ntshunxeko wo karhi kambe a ti khomiwa hi voko ra nsimbi, ku katsa ni ku kavanyetiwa ka minhlangano ya tona hi maphorisa ni ku tekeriwa minkandziyiso. Endzhaku ko endla ku cinca eka nawu wa vukhongeri, hulumendhe * yi ale ku tsarisiwa ka Timbhoni hi 2010 hikwalaho ka swivangelo leswi nga tivekiki, leswi endleke leswaku ti nga tiveki ximfumo le Baku

Timbhoni ta Yehovha ta xanisiwa ni ku tlhela ti yirisiwa hikwalaho ka leswi hulumendhe yi lawulaka mintirho ya vukhongeri. Maphorisa ma seche tiyindlu ta Timbhoni ni ku teka swilo swa tona, ku katsa ni Tibibele. Maphorisa ma khotse ni ku tlhela ma xanisa Timbhoni tin’wana hikwalaho ko chumayela van’wana tidyondzo ta tona ta vukhongeri, leswi endleke leswaku ti hakerisiwa mali yo tala. Emadorobeni lawa Timbhoni ti nga pfumeleriwangiki ku tsarisiwa hi nawu, valawuri va vula leswaku mintirho ya tona ya vukhongeri a yi le nawini. Va ti kavanyeta, va ti khotsa ni ku ti hakerisa mali yo tala.

Tanihi leswi ku nga riki na lunghiselelo ro tirha ntirho lowu nga fambisaniki ni nyimpi, vantshwa va Timbhoni va xanisiwa hikwalaho ka leswi ripfalo ra vona ri nga va pfumeleriki ku ya enyimpini. Ku nga xiximiwi ka ntshunxeko wa vukhongeri loku yaka emahlweni, ku katsa ni ku tekiwa ka minkandziyiso, a ku lwisana ni xiboho lexi Azerbaijan yi xi endleke ni Nhlengeletano ya Matiko ya Yuropa. Leswi ntshunxeko wa tona wa vukhongeri a wu nga xiximiwi, Timbhoni ta Yehovha ta le Azerbaijan ti yise swivilelo swa 19 eka Huvo ya Matiko ya Yuropa ya Timfanelo ta Vanhu ku sukela hi 2007 ku ya fikela hi 2014.

^ ndzim. 2 Timbhoni ta Yehovha ta le Azerbaijani

^ ndzim. 2 Komiti ya Tiko leyi tirhanaka ni Ntirho wa Minhlangano ya Vukhongeri