Seta screen reader

Hlawula ririmi

Yana enxaxamelweni wa vumbirhi

Nghena endzeni

Timbhoni Ta Yehovha

Xitsonga

JANUARY 15, 2016
AZERBAIJAN

Muavanyisi A Hundzisela Nandzu eMahlweni Ni Ku Tlhela A Hlwela Leswaku Vavasati Va Ntshunxiwa

Muavanyisi A Hundzisela Nandzu eMahlweni Ni Ku Tlhela A Hlwela Leswaku Vavasati Va Ntshunxiwa

Hi January 14, 2016, Muavanyisi Akram Gahramanov wa le Pirallahi eHubyeni leyi nga eXifundzheni xa Baku, eAzerbaijan, u tlhele a wu hundzisela emahlweni nandzu wa Manana Zakharchenko na Jabrayilova. U vule leswaku a nge yi emahlweni ni nandzu loko Manana Zakharchenko a nga ri kona, loyi rihanyo rakwe a ri nga n’wi pfumeleli leswaku a ta ehubyeni. U vule leswaku nandzu wu ta tengiwa hi January 28, 2016.

Ku hlwela loku a ku nga va dyisi byi rhelela vavasati lava, tanihi leswi ku hundziseriwa ka nandzu lowu a swi sivela magqweta ya vona leswaku ma yisa swikombelo swo va va ntshunxiwa. Tanihi leswi ku khotsiwa ka vona tin’hweti ta 11 swi endleke leswaku va vabya, xivangelo lexi nga twaliki xa leswaku Manana Zakharchenko a va kona loko ku tengiwa a swi kombisa ndlela ya tihanyi leyi va khomiweke ha yona.