Seta screen reader

Hlawula ririmi

Yana enxaxamelweni wa vumbirhi

Nghena endzeni

Timbhoni Ta Yehovha

Xitsonga

ARMENIA

Nkatsakanyo Wa Tiko Ra Armenia

Nkatsakanyo Wa Tiko Ra Armenia

Timbhoni ta Yehovha ti gandzela ti ntshunxekile eTikweni ra Armenia naswona ti endla ntirho wa tona wa vukhongeri handle ko kavanyetiwa. Ti kume ntshunxeko hi October 2004.

Ku fika hi October 2013, xiphiqo lexikulu lexi Timbhoni ti langutaneke na xona eArmenia a ku ri ku va ti nga pfumeleriwi ku endla ntirho lowu nga fambisaniki ni vusocha, tanihi leswi Armenia a ri nyike masocha vutihlamuleri byo letela vanhu vusocha ni ku xupula lava alaka ku ya evusocheni. Ku sukela hi 1993, majaha yo tala ya Timbhoni ta Yehovha lama aleke ku ya evusocheni hileswi ripfalo ra wona ri nga ma pfumeleriki, ma gweviwe ku tshama ekhotsweni nkarhi wo leha ni ku tiyisela swiyimo swo tika. Eku heteleleni, hi June 8, 2013, Armenia ri endle Nawu wo Pfumelela Vanhu ku Endla Ntirho lowu nga Fambisaniki ni Vusocha leswaku wu pfumelelana ni milawu ya le Yuropa. Hi October 23, 2013, Huvo ya Tiko ra Armenia yi pasise xikombelo ro sungula xa Timbhoni ta Yehovha ta 51 xo endla ntirho lowu nga fambisaniki ni vusocha. Endlelo leri ri humelerile, hikuva a ri ti pfumelela ku tirhela tiko ra tona hi ripfalo lerinene.

Hambileswi endlelo leri ri fambaka kahle, Timbhoni ta Yehovha ti kombiwa xihlawuhlawu. Timasipala tin’wana ti tsona Timbhoni mpfumelelo wo aka miako yo gandzela eka yona, ti hakerisiwa swibalo swa le henhla eka minkandziyiso ya tona ya vukhongeri naswona ku haxiwa mavunwa ya rihlaza hi tona eka swihaxamahungu. Timbhoni ta Yehovha ti ye ti ya lava mpfuno ehubyeni ya rikwavo ni le ka huvo ya matiko.