Seta screen reader

Hlawula ririmi

Yana enxaxamelweni wa vumbirhi

Nghena endzeni

Timbhoni Ta Yehovha

Xitsonga

JULY 18, 2014
UKRAINE

Xiviko Xa Timbhoni Xa Le Ukraine Ni Le Crimea

Xiviko Xa Timbhoni Xa Le Ukraine Ni Le Crimea

ELVIV, le Ukraine—Hi June 17, 2014, rhavi ra Timbhoni ta Yehovha le Ukraine ri vike leswaku Mbhoni yin’we yi dlayiwe hi bomo leyi bulukeke ekusuhi ni movha wa yona evuxeni bya doroba ra Kramatorsk, le Ukraine. A ku na Timbhoni tin’wana leti dlayiweke kumbe leti vavisekeke eka mpfilumpfilu lowu nga kona etikweni, lowu sunguleke tin’hweti ti nga ri tingani leti nga hundza. Hambiswiritano, Timbhoni ta madzana ti rhurhisiwile etindhawini leti ku nga ni mpfilumpfilu evuxeni bya Ukraine. Leti ti rhurhisiweke emakaya ya tona ti amukeriwe hi vagandzeri-kulorhi lava nga etindhawini tin’wana.

Hambileswi mpfilumpfilu wa ha yaka emahlweni, Timbhoni ta le Ukraine ti hambeta ti chavelela vaakelani va tona hi rungula ra le Bibeleni. Exikarhi ka June 2014, Timbhoni ti khome tinhlengeletano letikulu to hlayanyana evuxeni bya Ukraine, leti katseke tinkulumo leti sekeriweke eBibeleni ni minkombiso leyi kombisaka ndlela leyi hi nga yi tirhisaka ha yona ndzayo ya Bibele eswiyin’weni swo hambana-hambana swa vutomi. Vanhu vo tlula 5 200 va ve kona. Timbhoni ti ta khoma tinhlengeletano ta xifundzha ta kwalomu ka 40 eUkraine swin’we ni le Crimea, leti nga ta kandziyisa leswi Bibele yi swi tshembisaka hi vumundzuku bya vanhu ehansi ka Mfumo wa Xikwembu. Ku rindzeriwe leswaku vanhu vo tlula 165 000 va va kona etinhlengeletanweni leti ku katsa ni vo ringana 7 500 eCrimea.

Media Contact(s):

International: J. R. Brown, Office of Public Information, tel. +1 718 560 5000

Ukraine: Vasyl Kobel, tel. +38 032 240 9323