Nghena endzeni

Yana enxaxamelweni wa vumbirhi

Timbhoni Ta Yehovha

Xitsonga

NOVEMBER 11, 2014
UKRAINE

Timbhoni Ta Yehovha Ti Hlengeletane Hi Ku Rhula Ku Nga Khathariseki Tinyimpi eUkraine

Timbhoni Ta Yehovha Ti Hlengeletane Hi Ku Rhula Ku Nga Khathariseki Tinyimpi eUkraine

Anthony Morris wa Huvo leyi Fumaka ya Timbhoni ta Yehovha u humesa Bibele leyi pfuxetiweke ya Vuhundzuluxeri Bya Misava Leyintshwa Bya Matsalwa Yo Kwetsima.

ELVIV, le Ukraine—Ku nga khathariseki tinyimpi leti nga kona evuxeni bya Ukraine, Timbhoni ta Yehovha ti hlengeletanile eLviv hi July 4-6, 2014, leswaku ti khoma Nhlengeletano ya Xifundzha leyi nga ni nhloko-mhaka leyi nge “Hambetani Mi Lava Mfumo Wa Xikwembu Ku Sungula!” Bibele leyi pfuxetiweke ya Vuhundzuluxeri Bya Misava Leyintshwa Bya Matsalwa Yo Kwetsima, leyi hundzuluxeriweke hi Xiukraine xa manguva lawa yi humesiwile hi Anthony Morris, loyi a nga xirho xa Huvo leyi Fumaka ya Timbhoni ta Yehovha.

Rhavi ra Timbhoni ta Yehovha ra Ukraine ri hlele leswaku swiphemu swa nkoka swinene swa nhlengeletano swi haxiwa emadorobeni ya nhungu ni le tindhawini tin’wana ta 62 emugangeni wa Donetsk, laha nyimpi yi hisaka kona ngopfu. Nhlayo ya lava veke kona ku katsa ni va le tindhawini tin’wana a yi ri 82 832, kasi exitediyamu eLviv a yi ri 18 336. Hikwavo lava khuvuriweke a va ri 1 068.

Vanhu va 18 336 va ve kona eka Nhlengeletano leyi nga ni nhloko-mhaka leyi nge “Hambetani Mi Lava Mfumo Wa Xikwembu Ku Sungula!” eArena Lviv.

Hi siku ro sungula ra nhlengeletano, nongonoko wu kavanyetekile hileswi ku vuriweke leswaku ku ni bomo exitediyamu, kutani vanhu va boheke ku huma hi xihatla. Vanhu vo tlula 16 000 lava a va ri exitediyamu va hume hinkwavo ku nga si hela timinete ta 11, kambe nongonoko wu tlhele wu sungula hi xihatla endzhaku ka loko vatirhela-mfumo va tiyisekise leswaku mhaka yoleyo a ku ri mavunwa.

Vasyl Kobel, muvulavuleri wa Timbhoni ta Yehovha eUkraine, u te: “Hi tsake swinene ku va hi amukele vaendzi vo tala swonghasi enhlengeletanweni ya hina. Nchumu lowu nga rivalekiki hi nhlengeletano leyi a ku ri ku humesiwa ka Bibele leyi pfuxetiweke ya Vuhundzuluxeri Bya Misava Leyintshwa hi Xiukraine, leyi yi humesiweke ku sungula hi Xinghezi hi October 2013. Ha tsaka ku vulavula ni vaakelani va hina hi xitshembiso lexi nga eBibeleni xa misava leyi nga ni ku rhula, ngopfu-ngopfu enkarhini lowu wa tinyimpi etikweni ra hina.”

Media Contact(s):

International: J. R. Brown, Office of Public Information, tel. +1 718 560 5000

Ukraine: Vasyl Kobel, tel. +38 032 240 9323