Seta screen reader

Hlawula ririmi

Yana enxaxamelweni wa vumbirhi

Nghena endzeni

Timbhoni Ta Yehovha

Xitsonga

SEPTEMBER 17, 2013
TANZANIA

Huvo Leyi Tlakukeke Ya Le Tanzania Yi Lwela Timfanelo Ta Swichudeni Leswi Nga Timbhoni

Huvo Leyi Tlakukeke Ya Le Tanzania Yi Lwela Timfanelo Ta Swichudeni Leswi Nga Timbhoni

DAR ES SALAAM, eTanzania—Hi July 12, 2013, Huvo yo Kambela Swigwevo ya le Tanzania, ku nga yona leyi tlakukeke etikweni hinkwaro, yi teke xiboho lexi vaavanyisi hinkwavo va pfumelelaneke ha xona xa leswaku swikolo swa le xifundzheni xa Mbeya swi honise ntshunxeko wa vugandzeri wa swichudeni swa 127 leswi swin’wana swa swona swi hlongoriweke exikolweni kasi swin’wanyana swi xupuriweke endzhaku ka loko swi ale ku yimbelela risimu ra rixaka.

Hi 2007, Vayimeri va Xikolo xa Shikula va hlongole vantshwa va ntlhanu lava nga Timbhoni endzhaku ka loko va ale ku yimbelela risimu ra rixaka. Ku engetela kwalaho, swikolo swa le hansi ni swa le henhla exifundzheni xexo swi xupule swichudeni swin’wana swa 122 leswi nga Timbhoni hikwalaho ka xivangelo lexi fanaka. Loko matshalatshala ya swichudeni leswi swa 127 yo hundzisela xigwevo lexi eka vatirhela-mfumo va dyondzo ya tiko ni le ka holobye-nkulu leswaku xi kambisisiwa ma tsandzekile, swi xi hundzisele eHubyeni Leyikulu ya le Tanzania, ku nga huvo ya vumbirhi leyi tlakukeke etikweni. Huvo Leyikulu yi yime ni xiboho xa ku hlongoriwa ka swichudeni hambileswi vaavanyisi van’wana a va nga pfumelelani na xona. Kutani hi December 2, 2010, swichudeni swi hundzisele xigwevo xexo eHubyeni yo Kambela Swigwevo. Hi ku ya hi maphepha ya le hubyeni, xiboho lexi tekiweke hi Huvo yo Kambela Swigwevo xi “bakanyela etlhelo” xiboho lexi tekiweke hi Huvo Leyikulu ni ku herisa vuyelo byihi ni byihi lebyi fambisanaka na xona.

Zadok Mwaipwisi, muvulavuleri wa Timbhoni ta Yehovha eTanzania, u ri: “Xiboho xa huvo xa hi tsakisa swinene naswona hi tlangela ndlela leyi yi ri seketeleke ha yona goza leri vantshwa lava va ri tekeke hi ku pfumelelana ni ripfalo ra vona. Xiboho lexi xi ta endla leswaku ntshunxeko wa vugandzeri wa Timbhoni ta Yehovha ni vaaki hinkwavo va Tanzania wu xiximiwa.”

Media Contact(s):

International: J. R. Brown, Office of Public Information, tel. +1 718 560 5000

Tanzania: Zadok Mwaipwisi, tel. +255 22 2650592