Seta screen reader

Hlawula ririmi

Yana enxaxamelweni wa vumbirhi

Nghena endzeni

Timbhoni Ta Yehovha

Xitsonga

MAY 10, 2013
SLOVAKIA

Timbhoni Ta Yehovha Ti Tlangela Malembe ya 100 eSlovakia

Timbhoni Ta Yehovha Ti Tlangela Malembe ya 100 eSlovakia

BRATISLAVA eSlovakia—Timbhoni ta Yehovha eSlovakia ti valange erhavini ra tona hi December 15, 2012 leswaku ti tlangela malembe ya 100 ya ntirho wa tona wo dyondzisa Bibele etikweni. Vaakelani lava tshamaka ekusuhi va nyikiwe swirhambo swo valanga erhavini. Ku te vanhu vo tlula 200 va ta valanga naswona kwalaho a ku kombisiwe swiendlakalo leswi nga rivalekiki swa matimu ya Timbhoni ta le Slovakia.

Hi 1912, vayimeri va Timbhoni ta Yehovha va sungule ntirho wa vona wo dyondzisa Bibele erivaleni eSlovakia. Hi 1991, Timbhoni ti humese Bibele ya Xislovak, leyi pakanisaka yi tlhela yi hlayeka hi ku olova. Rhavi ra le Bratislava ri seketela ntirho wa mintlawa ya vahundzuluxeri ya ntlhanu ya Xislovak. Ntirho wa vuhundzuluxeri wu tlhela wu katsa Ririmi ra Mavoko ra Xislovak, Xislovak Roma xa le Vuxa ni tindzimi tin’wana letitsongo leti humaka eka Xiolah Roma. Minkandziyiso hinkwayo ni Tibibele leswi kandziyisiwaka hi Timbhoni i mahala. Namuntlha, Timbhoni to tlula 11 000 le Slovakia, ti fambisa tidyondzo ta Bibele mahala leti tlulaka 3 400 vhiki ni vhiki, ti pfuna vanhu hinkwavo leswaku va va ni ntsako lowukulu vona swin’we ni mindyangu ya vona.

Emavandlheni ya 160 ya kwalaho ka hlanganiwa leswaku ku dyondziwa Bibele mahala naswona un’wana ni un’wana wa amukeleka eka tidyondzo toleto. Nakambe Timbhoni i khale ti khoma mintsombano ya lembe ni lembe naswona wo sungula wu khomiwe hi 1923. Hi 2006, Timbhoni ta Yehovha ti ve ni nhlengeletano yo hlawuleka eBratislava laha a ku te vanhu vo tlula 10 700 ku katsa ni vaendzi vo tlula 3 600 lava humaka eCzech Republic, Hungary ni le Romania.

Rastislav Eliaš la nga muvulavuleri wa Timbhoni ta Yehovha eSlovakia, u ri: “Eka malembe ya 100 lama hundzeke, Timbhoni ta Yehovha eSlovakia ti dume hi ku va vanhu vo rhula ni vo tshembeka naswona ti rhandza maxaka ya tona ni vaakelani va tona. Hi ta hambeta hi tikarhata leswaku hi pfuna vaakelani va hina va vuyeriwa eka dyondzo ya Bibele hilaha na hina hi tikarhataka ha kona.”

Media Contacts:

International: J. R. Brown, Office of Public Information, tel. +1 718 560 5000

Slovakia: Rastislav Eliaš, tel. +421 2 49107611