Nghena endzeni

Yana enxaxamelweni wa vumbirhi

Timbhoni Ta Yehovha

Xitsonga

APRIL 5, 2017
RHAXIYA

Khotonkulu Ya Le Russia Yi Tengisa Timbhoni ta Yehovha

Khotonkulu Ya Le Russia Yi Tengisa Timbhoni ta Yehovha

NEW YORK—Namuntlha, Khotonkulu ya le Russia yi sungule ku kambisisa xikombelo lexi endliweke hi Ndzawulo ya Vululami ya Russia, xa leswaku ku pfariwa Bethele ya le Russia. Huvo yi teke xiboho xa leswaku nandzu lowu wu tengiwa hi Ravumune, April 6, 2017, hi 2:00 ni ndzhenga

Timbhoni ta Yehovha na tona ti mangalele Ndzawulo ya vululami hi March 30, 2017. Kambe nandzu wa tona wu bakanyeriwe tlhelo hi Huvo. Huvo yi arile leswaku lava va nga ni vutivi va nyikela vumbhoni ku seketela xikombelo xa Ndzawulo ya vululami yi tlhela yi ala ku yingisela vumbhoni bya lava va swi voneke hi mahlo loko Timbhoni ta Yehovha ti lukeriwa vumbhoni bya mavunwa.

Nandzu lowu i wukulu lerova ku vulavuriwa hi wona emisaveni hinkwayo eka swihaxamahungu, ku katsa ni le ka Time magazine ya April 4 (“Khotonkulu ya le Russia yi kambisisa loko swi fanerile ku herisa vukhongeri bya Timbhoni ta Yehovha eRussia ”) mhaka leyi a yi ri eka tluka ro sungula eka phepha hungu ra The New York Times (“Pacifist, Christian and Threatened by Russian Ban as ‘Extremist’”) hi April 5.

David A. Semonian, Muvulavuleri ku suka entsindza wa Timbhoni ta Yehovha eNew York u te: “Hi Tshemba leswaku Huvo ya Russia yi ta tshika vapfumerikulorhi va le Russia leswaku va ya emahlweni va gandzela va ntshunxekile. Timiliyoni ta vanhu ti ta va ti langutile ku vona loko Russia yi ta sirhelela vaakatiko lava va nga ni ku rhula va Timbhoni ta Yehovha.”

Media Contacts:

International: David A. Semonian, Office of Public Information, +1-845-524-3000

Russia: Yaroslav Sivulskiy, +7-812-702-2691