Nghena endzeni

Yana enxaxamelweni wa vumbirhi

Timbhoni Ta Yehovha

Xitsonga

APRIL 19, 2017
RHAXIYA

Siku Ra Vuntlhanu Ra Ku Tenga Nandzu eKhotonkulu Ya Le Russia: Ku Kambisisiwa Mphikamakaneta Ya Swa Nawu Leyi Tekeke Khume Ra Malembe

Siku Ra Vuntlhanu Ra Ku Tenga Nandzu eKhotonkulu Ya Le Russia: Ku Kambisisiwa Mphikamakaneta Ya Swa Nawu Leyi Tekeke Khume Ra Malembe

NEW YORK—Hi Ravunharhu, April 19, 2017, vanhu va 300 va hlengeletanile (van’wana va fike hi 2:00 a.m.) hi siku ra vuntlhanu ra ku tengiwa ka nandzu eKhotonkulu ya Russia laha Ndzawulo ya Vululami a yi lava leswaku ku pfariwa Bethele ya le Russia. Vuxokoxoko bya ndlela leyi Timbhoni ta le Russia ti nga xanisiwa ha yona hi Mfumo wa le Russia ku ringana khume ra malembe, byi hlamuseriwile hi ku komisa, loko Huvo yi kambele tivholumo ta 43 ta tidokumente leti tisiweke ehubyeni tanihi vumbhoni.

Huvo yi kambele tivholumu ta 43 ta tidokumente leti tisiweke ehubyeni tanihi vumbhoni.

Loko ku ri karhi ku tengiwa, magqweta ya Ndzawulo ya Vululami ya tsandzekile ku hlamusela Huvo xivangelo xa leswaku ha yini Bethele ya le Russia ni Tiholo ta Mfumo ti fanele ti pfariwa kumbe leswaku hi yihi mintirho ya vupambukwa leyi Timbhoni ta Yehovha ti yi endlaka eRussia. Yury Toporov, loyi a nga qgweta ra Timbhoni ta Yehovha u hlamusele Huvo leswaku eka nkarhi lowu nga hundza Rhavi ra le Russia ri amukele mapapila ni masagwadi, lama humaka eka mfumo, yo tlangela Timbhoni ta Yehovha hikwalaho ka ntirho lowu ti wu endleke, lowu vuyeriseke vaakatiko ku ringana malembe yo tala. Ku xiyiwe leswaku ni mavandlha ya endla ntirho lowu fanaka ku vuyerisa vaakatiko. Ku engetela kwalaho, a ku kumekanga nchumu eka tidokumente leti Ndzawulo ya Vululami a yi ti kambela ku sukela hi 2008 ku vona loko Timbhoni ta Yehovha ta le Russia ti ri mimpambukwa.

Lava nga le mahlweni, ku suka eximatsini ku ya exineneni: Anton Omelchenko, Maksim Novakov, Victor Zhenkov, na Yury Toporov lava nga maqweta ya Timbhoni ta Yehovha eRhavini ra le Russia. Lava nga le ndzhaku, ku suka eximatsini ku ya exineneni : Vasiliy Kalin na Sergey Cherepanov (loyi a nga vonakiki kahle) swirho wa komiti ya Rhavi ra Timbhoni ta Yehovha eRussia.

Nandzu wu ta tlhela wu tengiwa hi April 20, 2017 hi 2:00 p.m.

Media Contacts:

International: David A. Semonian, Office of Public Information, +1-845-524-3000

Russia: Yaroslav Sivulskiy, +7-911-087-8009