Seta screen reader

Hlawula ririmi

Yana enxaxamelweni wa vumbirhi

Nghena endzeni

Timbhoni Ta Yehovha

Xitsonga

FEBRUARY 17, 2014
PHILIPPINES

Hungu-nkulu: Endzhaku Ka Xidzedze Lexikulu Xa Haiyan, Timbhoni Ta Yehovha Ti Sungula Mphalalo

Hungu-nkulu: Endzhaku Ka Xidzedze Lexikulu Xa Haiyan, Timbhoni Ta Yehovha Ti Sungula Mphalalo

EMANILA, le Philippines—Endzhaku ka loko Xidzedze lexikulu xa Haiyan xi vange ku onhaka lokukulu, Timbhoni ta Yehovha ti hlele mphalalo ePhilippines lowu humaka emisaveni hinkwayo.

Rhavi ra Timbhoni ta Yehovha eManila ti vumbe tikomiti ta ntlhanu to phalala leswaku ti hatlisisa ku pfuna lava hlaseriweke hi xidzedze lexi. Swilo swo phalala leswi tlulaka tithani ta 190 swi rhumeriwile exivindzini xa Philippines. Timbhoni leti humaka ematikweni ya khume ti tinyikerile leswaku ti pfuneta entirhweni wo phalala. Vatirhi va ku tirhandzela va pfuneta eku akeni hi vuntshwa ni ku lunghisa makaya yo tlula 2 000 kumbe ku pfuna hi swa vutshunguri.

Vanhu lava endlaka 225 va ha tshama ematendeni lama dzimiweke hi Timbhoni ekusuhi ni Doroba ra Calbayog, eSamar. Ku pimanyetiwa leswaku vanhu lava endlaka 15 ku ya eka 20 wa tiphesente lava lavaka vutumbelo endhawini yoleyo a hi Timbhoni.

Endzhaku ka mhangu leyi, leyi ku vuriwaka leswaku i yin’wana ya swidzedze swa matimba leswi tshameke swi va kona, nhlayo ya vanhu lava feke yi tlakuke yi fika eka 6 201 naswona vanhu va 1 785 a va si kumiwa. Vanhu va kwalomu ka 28 000 va vavisekile naswona makaya lama tlulaka miliyoni ma onhakile. Sweswi rhavi ra le Philippines ra Timbhoni ta Yehovha eManila ri tiyisekisa leswaku Timbhoni ta 33 ti file, ta 10 a ti si kumiwa naswona ku ehleketiwa leswaku ti file.

Mark Sanderson, xirho xa Huvo leyi Fumaka ya Timbhoni ta Yehovha, xi endzela vanhu lava weriweke hi mhangu.

Ku sukela hi December 7, 2013, Mark Sanderson, xirho xa Huvo leyi Fumaka ya Timbhoni ta Yehovha, u hete masiku ya nkombo a ri karhi a endzela swifundzha swa ntlhanu leswi hlaseriweke. U te: “Vuyelo byo biha bya Xidzedze xa Haiyan bya ha ya emahlweni byi karhata vanhu vo tala ePhilippines; kambe hi swi lunghekerile ku hambeta hi rhumela vanhu ni swilo swo phalala ha swona ni ku chavelela lava hlaseriweke leswaku va hlakarhela.”

Media Contact(s):

International: J. R. Brown, Office of Public Information, tel. +1 718 560 5000

Philippines: Dean Jacek, tel. +63 2 411 6090