Seta screen reader

Hlawula ririmi

Yana enxaxamelweni wa vumbirhi

Nghena endzeni

Timbhoni Ta Yehovha

Xitsonga

JANUARY 21, 2015
PHILIPPINES

Vaaki Va Tshama eMakaya Ya Vona Lamantshwa Endzhaku Ka Lembe Ku Ve Ni Xidzedze Xa Haiyan

Vaaki Va Tshama eMakaya Ya Vona Lamantshwa Endzhaku Ka Lembe Ku Ve Ni Xidzedze Xa Haiyan

MANILA, ePhilippines—Timbhoni ta Yehovha ti sungule ntirho wo aka ni ku lunghisa tiyindlu ta kwalomu ka 750 ku nga si hela lembe, endzhaku ka loko ku ve ni Xidzedze xa Haiyan.

Hi xiringaniso, vatirhi va ku tirhandzela va ntlhanu va nga aka yindlu hi ntlhanu wa masiku.

Dean Jacek, muvulavuleri wa Timbhoni ta Yehovha ePhilippines, u te: “A hi tivekele pakani yo heta ntirho lowu hi September 2014. Eku sunguleni ka lembe, hi sungule ntirho wo aka naswona wu hele hi August hikwalaho ka ku pfuniwa hi vatirhi va ku tirhandzela.”

Vatirhi va ku tirhandzela va le tikweni rero ni va le matikweni man’wana va pfunetile entirhweni wo aka ni ku lunghisa makaya.

Huvo leyi Fumaka ya Timbhoni ta Yehovha yi tirhise minyikelo leyi humaka eka vagandzerikulobye emisaveni hinkwayo leswaku yi pfuneta entirhweni wo phalala. Rhavi ra Timbhoni eManila ri simeke tikomiti ta mphalalo leswaku ti endla ntirho wo aka etindhawini leti onhiweke hi xidzedze. Ntirho lowu a wu katsa ku lunghisa ni ku aka hi vuntshwa ka tiyindlu ta 167 eDorobeni ra Tacloban, tiyindlu ta 256 eDorobeni ra Ormoc, tiyindlu ta 101 eDorobeni ra Cebu ni tiyindlu ta 218 eDorobeni ra Roxas. Vatirhi va ku tirhandzela lava nga Timbhoni ta 522 leti humaka ePhilippines ni tin’wana ta 90 leti humaka ematikweni man’wana va eka ntirho wolowo.

Ferdinand Martin G. Romualdez muyimeri wa nhlangano wa First District of Leyte.

Nkulunkumba Ferdinand Martin G. Romualdez, muyimeri wa nhlangano wa First District of Leyte u te: “Timbhoni ta Yehovha a ku ri tona to sungula ku teka goza hi xihatla ku lunghisa tiyindlu leti onhiweke. . . . Mina ni ndyangu wa mina swin’we ni vanhu va ka hina hi rhandza ku mi khensa swinene.

Media Contact(s):

International: J. R. Brown, Office of Public Information, tel. +1 718 560 5000

Philippines: Dean Jacek, tel. +63 2 411 6090