Nghena endzeni

Yana enxaxamelweni wa vumbirhi

Timbhoni Ta Yehovha

Xitsonga

APRIL 29, 2014
NICARAGUA

Ku Tsekatseka Ka Misava eNicaragua

Ku Tsekatseka Ka Misava eNicaragua

Hi Musumbhunuku, April 14, 2014, ku tsekatseka ka misava ka mpimo wa 5,1 ku hlasele n’walungu-vupela-dyambu bya Managua, eNicaragua. Ku tsekatseka loku ka misava hi kona ko hetelela eka loku veke kona hi ku landzelelana endhawini yoleyo eka masiku ya mune lama hundzeke naswona lokukulu ku ve mpimo wa 6,6 hi xikalo xa Richter. Rhavi ra Timbhoni ta Yehovha ra le Amerika Xikarhi eMexico ri tiyisekise leswaku ku hava Timbhoni leti vavisekeke. Tiyindlu ta nkombo ta Timbhoni ti onhakile naswona ta 21 ti onhake ngopfu. Holo yin’wana ya Mfumo, ku nga muako wa vugandzeri wa Timbhoni ta Yehovha, edorobeni ra Nagarote na yona yi onhake ngopfu. Hikwalaho ka sweswo, mavandlha mambirhi ya Timbhoni ta Yehovha ma hlanganile endhawini yo paka timovha eHolweni ya Mfumo leswaku ma khoma xitsundzuxo xa lembe ni lembe xa rifu ra Yesu Kreste. Vanhu lava tlulaka 530 va ve kona vusiku byebyo, ku katsa ni van’wana vo tala lava nga riki Timbhoni. Rhavi ri le ku pfuneni vapfumeri-kulobye lava onhakeriweke hi tiyindlu hi ku va nyika switirhisiwa ni ku va lunghiselela ndhawu yo tshama ya nkarhinyana.

Media Contact(s):

International: J. R. Brown, Office of Public Information, tel. +1 718 560 5000

Central America: Gamaliel Camarillo, tel. +52 555 133 3048