Seta screen reader

Hlawula ririmi

Yana enxaxamelweni wa vumbirhi

Nghena endzeni

Timbhoni Ta Yehovha

Xitsonga

AUGUST 15, 2012
MAHUNGU YA MISAVA

Ku Sasekisiwa Ka Website Ya Hina

Ku Sasekisiwa Ka Website Ya Hina

Eka tin’hweti to hlayanyana leti hundzeke, ntlawa wa Timbhoni ta Yehovha ta 40 eNew York a wu tirha swin’we ni ndzawulo ya Swifaniso ni ya Vutsari leswaku va sasekisa website ya www.jw.org ni ku endla leswaku swi olova ku nghena eka yona hi ku tirhisa khompyuta kumbe selfoni. Ku engetela kwalaho, va antswise website leyi va ri ni swikongomelo swimbirhi.

1. Ku hlanganisa ti-website ta hina. Ti-website tinharhu leti tirhisiwaka hi Timbhoni ti ta hlanganisiwa ti va yin’we leyi nge ww.jw.org. Letin’wana timbirhi, ku nga www.watchtower.org ni leyi nge www.jw-media.org, ti nge he tirhi. Ku hlanganisa ti-Website leti swi ta endla leswaku vanhu lava lavaka rungula ra Timbhoni kumbe leri vulavulaka ha tona va ya endhawini yin’we ntsena. Hi xikombiso, u nga hlaya, u yingisela kumbe u printa matluka ya Bibele ni minkandziyiso leyi sekeriweke eBibeleni hi tindzimi to tala.

2. Ku engetela rungula. Website leyi antswisiweke yi ni tinhlamulo to koma ta swivutiso swa Bibele naswona yi vulavula hi ntirho wo chumayela, marhavi, Tiholo ta Mfumo ni mintsombano ya Timbhoni ta Yehovha. Xiphemu lexi nge “Mahungu” xi vika swiendlakalo leswi khumbaka Timbhoni emisaveni hinkwayo. Ku ni swiphemu swin’wana leswi endleriweke mindyangu, vantshwa ni vana.

Hi ntolovelo, vanhu va madzana ya magidi va hlaya minkandziyiso ya Timbhoni eka Internet hi rin’wana ra tindzimi ta 430 hi siku. Va kopa swilo leswi rhekhodiweke, ti-EPUB, ti-PDF kumbe tivhidiyo ta ririmi ra mavoko leswi lava ku ringana 500 000. Siku ni siku, vanhu lava ringanaka dzana va kombela munhu leswaku a dyondza na vona Bibele.