Seta screen reader

Hlawula ririmi

Yana enxaxamelweni wa vumbirhi

Nghena endzeni

Timbhoni Ta Yehovha

Xitsonga

MAY 16, 2013
MAHUNGU YA MISAVA

Timbhoni Ta Yehovha Ti Sungula Mintsombano Leyi Nga Ni Nhloko-mhaka Leyi Nge “Rito Ra Xikwembu I Ntiyiso!”

Timbhoni Ta Yehovha Ti Sungula Mintsombano Leyi Nga Ni Nhloko-mhaka Leyi Nge “Rito Ra Xikwembu I Ntiyiso!”

NEW YORK—Timbhoni ta Yehovha ti lunghiselela mintsombano ya tona ya lembe ni lembe ni tsima ro rhamba vanhu leswaku va va kona. Nhloko-mhaka ya ntsombano wa nan’waka yi ri: “Rito Ra Xikwembu I Ntiyiso!” Timbhoni ta Yehovha eUnited States ti ta sungula ku khoma mintsombano leyi hi May naswona yi ta ya emahlweni yi khomiwa emisaveni hinkwayo ku ya fikela eku heleni ka December.

J. R. Brown la nga muvulavuleri wa Timbhoni ta Yehovha u ri: “Nhloko-mhaka ya lembe leri i ya nkoka hikuva yi vulavula hi nkoka wa ndyangu eka Timbhoni ta Yehovha. Mindyangu ya Timbhoni yi teka Bibele tanihi buku ya nkongomiso leyi tshembekaka ni xihlovo lexinene xa switsundzuxo eminkarhini leyi ya mangava. Hilaha ku fanaka, hi xiya leswaku ni vanhu lava nga riki Timbhoni na vona va ta vuyeriwa va tlhela va tiphina hi nongonoko lowu nga ni swilo swo hambana-hambana.”

Nkulukumba. Brown u vule leswaku dyondzo ya Bibele ya munhu hi yexe i ya nkoka swinene eka Timbhoni ta Yehovha. Vhiki ni vhiki nimadyambu, mindyangu ya Timbhoni yi tirhisa nkarhi wolowo ku va ni dyondzo ya Bibele ni ku endla ndzavisiso, leswi yi swi vulaka “Vugandzeri Bya Ndyangu.” Nkulukumba Brown u tlhele a ku: “Ntsombano wa lembe leri wu ta nyika mindyangu ni un’wana ni un’wana switirhisiwa leswintshwa leswi pfunaka eka dyondzo ya ndyangu ni ya munhu hi yexe. Leswi i swilo swintshwa leswi Timbhoni ti langutelaka ku swi kuma lembe ni lembe eka nongonoko wa ntsombano.”

Masiku ni tindhawu ta Mintsombano ya Muganga wa 2013 lowu nga ni nhloko-mhaka leyi nge, “Rito Ra Xikwembu I Ntiyiso!” swi kumeka eka Website ya le nawini ya Timbhoni—jw.org. Vateki va mahungu va nga tihlanganisa ni rhavi ra Timbhoni ta Yehovha leswaku va kuma rungula leri engetelekeke swin’we ni vito ra munhu loyi va nga vulavurisanaka na yena loko va lava ku teka mahungu entsombanweni.

Media Contact(s):

International: J. R. Brown, Office of Public Information, tel. +1 718 560 5000