Nghena endzeni

Yana enxaxamelweni wa vumbirhi

Timbhoni Ta Yehovha

Xitsonga

OCTOBER 29, 2014
MEXICO

Timbhoni Ta Yehovha eMexico Ti Pfune Vanhu Lava Hlaseriweke Hi Xidzedze Xa Odile

Timbhoni Ta Yehovha eMexico Ti Pfune Vanhu Lava Hlaseriweke Hi Xidzedze Xa Odile

Endzhaku ka Xidzedze xa Odile, lexi hlaseleke ribuwa ra Baja California Sur hi Musumbhunuku, September 15, 2014, Timbhoni ta Yehovha leti humaka etindhawini leti rhendzeleke ribuwa rero ti nyikele hi swakudya, mati ni mirhi eka swirho swa tona leswi hlaseriweke hi xidzedze. Ku hava Timbhoni leti feke kumbe leti vavisekeke eka xidzedze lexi xa matimba swinene lexi tshameke xi hlasela nhlonhle leyi kusukela hi 1967. Hambiswiritano, xidzedze lexi xi onhe tiyindlu ta 82 ta Timbhoni ni ku onha swinene tiyindlu tin’wana ta 85, naswona mindyangu ya 125 leyi nga Timbhoni yi boheke ku baleka emakaya ya yona. Timbhoni teto ti rhurheriwe emakaya ya Timbhoni-kulobye. Loko ka ha sele masiku ya mune leswaku xidzedze lexi xi hlasela, tikomiti ta mphalalo ta vatirhi va ku tirhandzela lava nga Timbhoni ti rhumele mapapila emavandlheni ya kwalaho ti hlamusela ndlela leyi ma nga tilunghiselelaka ha yona. Vakulu lava nga Timbhoni va tlhele va hlela ku rhurhisa swirho swa vandlha leswi tshamaka etindlwini leti nga tiyangiki leswaku swi ya tshama emakaya ya Timbhoni tin’wana. Rhavi ra Timbhoni ta Yehovha eMexico ri rhumele tithani to tlula 20 ta swilo swo phalala endhawini leyi hlaseriweke.

Media Contact(s):

International: J. R. Brown, Office of Public Information, tel. +1 718 560 5000

Mexico: Gamaliel Camarillo, tel. +52 555 133 3048