Seta screen reader

Hlawula ririmi

Yana enxaxamelweni wa vumbirhi

Nghena endzeni

Timbhoni Ta Yehovha

Xitsonga

NOVEMBER 26, 2014
JAPANI

Timbhoni Ti Pfuna Lava Khumbiweke Hi Ku Khuluka Ka Ndzhope eHiroshima

Timbhoni Ti Pfuna Lava Khumbiweke Hi Ku Khuluka Ka Ndzhope eHiroshima

AEBINA, le Japani—Timpfula ta matimba eHiroshima ti vange ku khuluka ka ndzhope loku dlayeke vanhu va kwalomu ka 74 ni ku rhurha ka vanhu vo tlula 1 600 emakaya ya vona hi mixo wa August 20, 2014. Rhavi ra Timbhoni ta Yehovha eJapani ri vike leswaku ku hava Timbhoni leti feke kumbe leti vavisekeke hambileswi tiyindlu ta nhungu ta Timbhoni ti onhakeke.

Endzeni ka yindlu leyi onhakeke eHiroshima.

Ku ne mpfula leyi ringanaka kwalomu ka 218 wa timilimitara hi nkarhi wa tiawara tinharhu ntsena naswona yi onhe ngopfu lerova mfumo wu boheke ku sungula tsima ro phalala vanhu etikweni hinkwaro. Hi ku hatlisa rhavi ra Timbhoni ta Yehovha eJapani ri simeke komiti yo phalala naswona ri hlele vatirhi va ku tirhandzela lava nga Timbhoni leswaku va pfuneta ku basisa. Vatirhi vo basisa va vumbe ntlawa wo basisa hi mabakete leswaku va humesa thyaka ni misava leyi khulukeleke etindlwini. Vatirhi va ku tirhandzele va tlhele va chela murhi wo dlaya switsongwatsongwana etindlwini leti basisiweke endzhaku ko tlherisela nhungu leyi nga onhakangiki.

Timbhoni ti humesa ndzhope emuakweni lowu ku tshamaka vanhu.

Phepha-hungu ra tiko leri vuriwaka Yomiuri Shimbun yi vulavule hi matshalatshala lama endliweke hi Mbhoni yin’wana ya Yehovha leyi poneke mhangu leyi. Ri vike leswaku Kayoko Nakamizo, loyi a tshamaka eMugageni wa Yagi lowu nga ehansi ka Ndhawu ya Asaminami, u pone ri ahlamile endlwini ivi “a ya gongondza endlwini yin’wana ni yin’wana ya vaakelani vakwe ku vona loko va hlayisekile.” Hikwalaho ka sweswo, Kayoko u kote ku ponisa muakelani un’wana ni ku pfuna van’wana leswaku va suka endhawini leyi nga ni khombo.

Ichiki Matsunaga, muvulavuleri wa Timbhoni ta Yehovha eJapani, u te: “Hi twelana na vona lava khumbiweke hi ku khuluka ka ndzhope. Ku nga khathariseki xiyimo lexi xo tika, hi ringeta ku va ni langutelo lerinene loko hi ri karhi hi endla leswi nga ematimbeni ya hina ku pfuna vaakelani va hina ni ku va chavelela.”

Media Contact(s):

International: J. R. Brown, Office of Public Information, tel. +1 718 560 5000

Japan: Ichiki Matsunaga, tel. +81 46 233 0005