Seta screen reader

Hlawula ririmi

Yana enxaxamelweni wa vumbirhi

Nghena endzeni

Timbhoni Ta Yehovha

Xitsonga

NOVEMBER 4, 2014
GREECE

Nhlengeletano Ya Matiko: Timbhoni Ti Khoma Nhlengeletano eXitediyamu Xa Tiolimpiki Le Greece

Nhlengeletano Ya Matiko: Timbhoni Ti Khoma Nhlengeletano eXitediyamu Xa Tiolimpiki Le Greece

Samuel Herd (loyi a nga exineneni), xirho xa Huvo leyi Fumaka ya Timbhoni ta Yehovha u gimete siku rin’wana ni rin’wana ra nhlengeletano hi nhlokomhaka leyi sekeriweke eBibeleni leyi a yi tolokiwa hi Xigriki.

Xiendlakalo lexi a xi katsa ni nkhuvulo hi Mugqivela, June 28; eGreece ku khuvuriwe vanhu va 305 kasi eCyprus 32, hinkwavo ka vona va ve 337.

EATHENS, le Greece—Hi June 27-29, 2014, Timbhoni ta Yehovha ti khome Nhlengeletano ya Matiko leyi a yi ri ni nhlokomhaka leyi nge, “Hambetani Mi Lava Mfumo Wa Xikwembu Ku Sungula!” exitediyamu xa Tiolimpiki eXivindzini xa Athens, lexi a xi rhurhele Mintlangu ya Tiolimpiki hi 2004. Swichudeni swa Bibele swa 35 863 a swi hlanganile exitediyamu. Swichudeni swin’wana swa 3 093 a swi hlalele swiphemu swin’wana swa nongonoko hi vhidiyo swi ri eBelgium na le Cyprus kutani hinkwaswo ka swona a swi ri 38 956.

Enhlengeletanweni leyi a ku ri ni vapfhumba lava humaka eCroatia, Hungary, Korea, Romania, Afrika Dzonga, Turkey ni le United States. Christina Michail, mininjhere wa xitediyamu xa Tiolimpiki u te: “A swi tsakisa ku vona vanhu va tinxaka to hambanahambana, lava humaka ematikweni yo hambanahambana va tshame swin’we, va teka swifaniso naswona ndzi tsakisiwe hi rirhandzu leri va nga na rona . . . Lexi i xikombiso lexinene. Swa kala ku vona vanhu vo tikhoma hi ndlela leyi laha xitediyamu. Hi tala ku va na vaseketeri va swipano naswona ndlela leyi va tikhomaka ha yona yi hambanile ni ya n’wina kutani leswi swi hi endla hi tsaka loko mi ri laha xitediyamu.”

Lava a va ri kona enhlengeletanweni leyi a yi khomeriwe exitediyamu xa Tiolimpiki eXivindzini xa Athens.

Robert Kern, muvulavuleri wa Timbhoni ta Yehovha erhavini ra Greece, u te: “Hi kume mapapila ya madzana yo khensa nongonoko ni vamakwerhu va hina lava humaka ematikweni yo hambanahambana. A swi tsakisa ku va na vamakwerhu lava eka xiendlakalo lexi hi nga taka hi nga xi rivali.”

Media Contact(s):

International: J. R. Brown, Office of Public Information, tel. +1 718 560 5000

Greece: Babis Andreopoulos, tel. +30 210 617 8606