Nghena endzeni

Yana enxaxamelweni wa vumbirhi

Timbhoni Ta Yehovha

Xitsonga

JULY 25, 2014
CROATIA

Timbhoni Ti Endla Matshalatshala Yo Phalala eBalkans

Timbhoni Ti Endla Matshalatshala Yo Phalala eBalkans

EZAGREB, le Croatia—Tikomiti to phalala ta vatirhi va ku tirhandzela lava nga Timbhoni, leti pfuniweke hi vayimeri va rhavi ra Timbhoni ta Yehovha eGermany, ti teke goza ro pfuna lava weriweke hi mhangu ya ndhambi leyikulu leyi nga si tshamaka yi va kona eBosnia-Herzegovina, eCroatia ni le Serbia. Mpfula leyi a yi na hi matimba eBalkans ku sukela hi May 13-15, 2014, yi vange ndhambi leyikulu yi tlhela yi vanga ku hirimuka ka misava loku endlekeke minkarhi ya kwalomu ka 3 000.

Hi ku hatlisa, tikomiti ta mphalalo ti phalale hi swo famba hi swona, swakudya, swiambalo swin’we ni matende eka vanhu lava rhurhisiweke. Eka mhangu leyi, ku hava ni un’we wa Timbhoni ta Yehovha loyi a feke kumbe a vavisekeke kambe makaya ya tona ya kwalomu ka 14 ma onhakile swinene. Nakambe, muako wun’we wo gandzela eka wona wa Timbhoni wu onhakile swinene. Sweswi, tikomiti ti le ku tirheni leswaku ti lunghisa makaya lama onhakeke ti tlhela ti akela vanhu lava lahlekeriweke hi makaya ya vona tiyindlu ta mapulanga.

Josip Liović, muvulavuleri wa rhavi ra Timbhoni ta Yehovha le Croatia, u te: “Hi tsakile ku tiva leswaku ku hava mbhoni ni yin’we leyi vavisekeke eka mhangu leyi, kambe hi rila ni lava va feriweke hi swirho swa ndyangu ni vanghana. Hi le ku endleni ka matshalatshala yo hlawuleka eBalkans, ya ku chavelela vaakelani va hina. Hi tlhela hi nkhensa ni vanghana va hina va le Germany lava va teke ku ta hi pfuna ku lulamisela mphalalo lowu nga ta laveka eka mavhiki kumbe tin’hweti leti taka.”

Media Contact(s):

International: J. R. Brown, Office of Public Information, tel. +1 718 560 5000

Croatia: Josip Liović, tel. +385 91 5336 511

Serbia: Daniel Domonji, tel. +381 11 405 99 00