Seta screen reader

Hlawula ririmi

Yana enxaxamelweni wa vumbirhi

Nghena endzeni

Timbhoni Ta Yehovha

Xitsonga

MAY 2, 2014
CHILE

Ndzilo Lowukulu Lowu Onheke eValparaíso, Le Chile

Ndzilo Lowukulu Lowu Onheke eValparaíso, Le Chile

EPUENTE ALTO, le Chile—Hi April 13, 2014, ndzilo lowukulu lowu sunguleke ekhwatini, lowu hungiweke hi moya lowu humaka hi le lwandle ra Pacific, wu onhe doroba leri nga ni matimu ra Valparaíso, le Chile. Ndzilo lowu wu dlaye vanhu va kwalomu ka 15 wu tlhela wu vavisa va 500. Makaya ya kwalomu ka 2 900 ma onhakile swinene naswona vanhu vo tlula 10 000 va rhurhisiwile.

Rhavi ra Timbhoni ta Yehovha le Chile, ri vike leswaku Mbhoni yin’wana leyi kuleke yi wela eka van’wana lava lahlekeriweke hi vutomi bya vona. Ku engetela kwalaho, Timbhoni ta kwalomu ka 89 ti sale ti nga ri na makaya. To tala ta tona ti kume ndhawu yo tshama emakaya ya vagandzeri-kulorhi. Rhavi ra Timbhoni ta Yehovha ri nambe ri hlela komiti ya mphalalo leyi nga eku pfuneni lava weriweke hi mhangu leyi. Mintlawa leyi hleriweke ya vatirhi va ku tirhandzela yi sungurile ku basisa ndhawu yoleyo. Loko swiyimo swo pfumela, yi ta sungula ku aka makaya ya kwalomu ka 28 ya Timbhoni-kulorhi lama onhakeke.

Jason D. Reed, muvulavuleri wa Timbhoni ta Yehovha le Chile, u te: “Hi twa ku vava ku vona vaakelani va hina lava khumbekeke eka ndzilo lowu. Hi ni gome hikwalaho ko feriwa hi mugandzeri-kulobye naswona lava feriweke hi vanghana kumbe swirho swa ndyangu hi hambeta hi va katsa eswikhongelweni. Hi ta hambeta hi pfuna lava weriweke hi mhangu leyi hi mpfuno wun’wana ni wun’wana lowu va wu lavaka leswaku va kota ku langutana ni xiyimo lexi.”

Media Contact(s):

International: J. R. Brown, Office of Public Information, tel. +1 718 560 5000

Chile: Jason D. Reed, tel. +56 2 2428 2600