Nghena endzeni

Yana enxaxamelweni wa vumbirhi

Timbhoni Ta Yehovha

Xitsonga

NOVEMBER 1, 2012
AUSTRIA

Tiko Ra Austria Ri Lerisiwe Ku Riha Timbhoni Ta Yehovha Hikwalaho Ka Xihlawuhlawu

Tiko Ra Austria Ri Lerisiwe Ku Riha Timbhoni Ta Yehovha Hikwalaho Ka Xihlawuhlawu

STRASBOURG, eFurwa—Hi September 25, 2012, Huvo ya Yuropa ya Timfanelo ta Vanhu yi teke xiboho xa leswaku mfumo wa Austria wu voniwe nandzu wa xihlawuhlawula eka Timbhoni ta Yehovha naswona wu lerisiwe ku hakela mali ya kwalomu ka R149 000 wa swikoxo swa magqweta ni swo tenga nandzu swa Timbhoni.

Hi 2002, mfumo wa Austria wu ale ku nyika vatirheli vambirhi va Timbhoni ta Yehovha lava humaka ePhilippines mpfumelelo wo tshama etikweni, lava a va lava ku dyondzisa Timbhoni leti vulavulaka Xitagalog eAustria. Kasi eka mhaka yin’wana, mfumo wu lerise Timbhoni leswaku ti hakela xibalo xa minyikelo ya vukhongeri leyi ti yi kumeke hi 1999. Xivangelo xo va mfumo wu endle tano eka timhaka letimbirhi hileswi a wu nga lavi ku teka Timbhoni ta Yehovha tanihi “nhlangano wa vukhongeri,” kambe tanihi “ntlawa wa vukhongeri” ntsena, ku nga xiyimo lexi nga ehansi. Sweswo swi endle leswaku Timbhoni ti tsoniwa malunghelo yo karhi lama nyikiwaka vukhongeri byin’wana lebyikulu.

Lexi i xiboho xa vutsevu xa Huvo lexi nga yimiki ni tiko ra Austria kambe xi yimaka ni Timbhoni ta Yehovha, lexi tiyisisaka xiboho lexi tekiweke eku sunguleni hi 2008. Eka xiboho xexo xo sungula, Huvo yi gimete hileswaku Timbhoni a ti fanele ti tekiwe tanihi “nhlangano wa vukhongeri” endzhakunyana ka “nkarhi wutsongo swinene” hileswi “ti nga ni nkarhi wo leha ti ri kona ematikweni man’wana” nileswi se ti “dzimeke timitsu” eAustria.

Timbhoni ti langutele leswaku ku hlula ka tona ka sweswinyana eHubyeni ya Yuropa ku pfuna ku sirhelela malunghelo ya xisekelo ni ku sivela xihlawuhlawula hi tlhelo ra vukhongeri, leswaku ku nga vuyeriwi tona ntsena kambe ni vaaka-tiko hinkwavo va matiko lama nga swirho swa Huvo ya Matiko ya Yuropa.

Media Contacts:

J. R. Brown, Office of Public Information, tel. +1 718 560 5000

Austria: Johann Zimmermann, tel. +43 1 804 53 45