Seta screen reader

Hlawula ririmi

Yana enxaxamelweni wa vumbirhi

Nghena endzeni

Timbhoni Ta Yehovha

Xitsonga

NOVEMBER 20, 2013
ARMENIA

Tiko Ra Armenia Ri Ntshunxa Timbhoni Hinkwato Ta Yehovha eKhotsweni

Tiko Ra Armenia Ri Ntshunxa Timbhoni Hinkwato Ta Yehovha eKhotsweni

YEREVAN, eArmenia—Hi November 12, 2013, tiko ra Armenia ri ntshunxe Timbhoni ta Yehovha to hetelela ta 14 leti a ti khotsiwile hikwalaho ko ala ku ya evusocheni. Ku sukela hi October 8, 2013, ku ntshunxiwe Timbhoni ta Yehovha to ringana 28 leti a ti khotsiwile hileswi ti aleke ku ya evusocheni hikwalaho ka ripfalo ra tona. Leswi swi vula ku hela ka tsima ro lwisana ni mfanelo leyi vanhu va nga na yona yo ala ku ya evusocheni hikwalaho ka ripfalo ra vona, leri endleke leswaku ku hetelela ku khotsiwe majaha lama nga Timbhoni yo tlula 450 emalembeni yo tlula 20 lama hundzeke. Hi mpfhuka Timbhoni ta Yehovha ti sungula ku khometeriwa hi 1993 etikweni ra Armenia, i ro sungula namuntlha leswaku ku nga ha ri na yin’we ya tona leyi nga pfaleriwa hikwalaho ka leswi ripfalo ra yona ri nga yi pfumeleriki ku ya evosocheni.

Loko ku nga si ntshunxiwa letin’wana hi November 12, tiko ra Armenia ri ntshunxe Timbhoni ta nhungu hi October 8 na 9, hikwalaho ka leswi xigwevo xa tona xi hungutiweke hi tin’hweti ta tsevu. Tin’wana ta tsevu ti ntshunxiwe hi October 24. Timbhoni leti ta tsevu ti ve to sungula ku ntshunxiwa eArmenia endzhaku ka ku cinciwa ka milawu ya tiko hi June 8, 2013, leyi sweswi yi pfumelelaka munhu ku endla mintirho yin’wana leyi nga fambisaniki ni vusocha. Kutani munhu a nga endla mintirho yin’wana etikweni leyi nga hlanganiki helo ni vusocha, ematshan’weni yo pfaleriwa ekhotsweni.

Timbhoni to tlula 90 se ti endle xikombelo xo tirha mintirho yin’wana leyi nga fambisaniki ni vusocha. Hi October 23 na hi November 12, 2013, Khomixini ya Tiko yi kambisise swikombelo swa majaha ya 71 ivi yi swi pasisa. Khomixini leyi yi vule leswaku yi ta kambisisa swikombelo leswi saleke ku nga ri khale.

David A. Semonian, muvulavuleri wa Timbhoni ta Yehovha entsindza wa tona wa misava hinkwayo eNew York, u te: “Ha tsaka leswi tiko ra Armenia ri ntshunxeke majaha lawa, naswona swi tikomba se xiphiqo lexi ku nga khale xi ri kona se fike emakumu.”

Media Contact(s):

International: David A. Semonian, Office of Public Information, tel. +1 718 560 5000

Armenia: Tigran Harutyunyan, tel. +374 93 900 482