Nghena endzeni

Hundzela eka leswi nga endzeni

Rihanyo Lerinene

Rihanyo Lerinene

Hambileswi Bibele yi nga riki buku ya swa vutshunguri kambe ya hi pfuna leswaku hi va ni rihanyo lerinene evuton’wini. Xiya ndlela leyi matsalwa man’wana ma nga hi pfunaka ha yona leswaku hi va ni rihanyo lerinene.

KHATHALELA MIRI WA WENA

TSALWA: “A nga kona munhu loyi a tshameke a venga nyama yakwe; kambe wa yi wundla ni ku yi khathalela.”—Vaefesa 5:29.

LESWI SWI VULAKA SWONA: Tsalwa leri ri hi khutaza leswaku hi khathalela rihanyo ra hina. Xiviko xin’wana xi vula leswaku mavabyi yo tala ma vangiwa hi vutomi lebyi hi hlawulaka ku byi hanya. Ku hlawula ku hanya vutomi lebyinene swi endla hi va ni rihanyo lerinene.

LESWI U NGA SWI ENDLAKA:

  • Swakudya. Dyana swakudya leswi nga ni rihanyo ni ku nwa mati yo tala.

  • Endla vutiolori. Ku endla vutiolori swi ta ku pfuna leswaku u va ni rihanyo lerinene ku nga khatariseki malembe lama u nga na wona, hambiloko u lamarile kumbe u ri ni mavabyi lama nga tshungulekiki. Hambileswi lava va ku rhandzaka ni vatshunguri va nga ku nyikaka swiringanyeto swo karhi mayelana ni vutiolori kambe swi ta ku pfuna ntsena loko u swi tirhisa.

  • Etlela nkarhi lowu eneleke. Vanhu lava nga etleriki nkarhi lowu eneleke va tala ku khomiwa hi mavabyi. Van’wana a va etleli hikwalaho ko hlawula ku endla swo karhi hi nkarhi lowu a va fanele va etlela ha wona. Loko u etlela nkarhi lowu eneleke u ta va ni rihanyo lerinene.

TSHIKA MIKHUVA YO BIHA

TSALWA: “A hi tibasiseni eka swilo hinkwaswo leswi nyamisaka nyama ni moya.”—2 Vakorinto 7:1.

LESWI SWI VULAKA SWONA: Hi ta va ni rihanyo lerinene loko hi hlawula ku nga swi tirhisi swilo leswi nga riki swinene swo fana ni fole hikuva ha swi tiva leswaku swi vanga mavabyi ni rifu.

 LESWI U NGA SWI ENDLAKA: Hlawula siku leri u lavaka ku tshika ha rona ku dzaha kutani u ri fungha eka khalendara. Loko ku nga si fika siku rero, cukumeta mafole, mencisi ni swilo swo chela switompi swa fole ni swilo hinkwaswo leswi fambisanaka ni mukhuva wolowo lowu nga ni khombo. Papalata tindhawu leti vanhu va dzahelaka eka tona. Byela vanghana va wena lava ku seketelaka hi xiboho lexi u xi tekeke leswaku va ta kota ku ku pfuna.

MATSALWA MAN’WANA LAMA PFUNAKA

U nga kuma kopi ya Bibele hi ku ti hlanganisa ni un’wana wa Timbhoni ta Yehovha endhawini ya ka n’wina

ENDLA SWILO HI VUKHETA.

“Loko wo tshuka u aka yindlu leyintshwa, u fanele u tlhela u endla guma elwangwini ra wena, leswaku u nga veki nandzu wa ngati ehenhla ka yindlu ya wena, hikuva munhu la waka a nga wa a ri ehenhla ka yona.”—DETERONOMA 22:8.

LAWULA KU HLUNDZUKA KA WENA.

“Loyi a hlwelaka ku hlundzuka u ni ku twisisa lokukulu, kambe loyi a helaka mbilu u engetela vuphukuphuku.”—SWIVURISO 14:29.

PAPALATA KU DYA NGOPFU.

“U nga vi . . . exikarhi ka lava va dyaka hi makolo.”—SWIVURISO 23:20.