Nghena endzeni

Hundzela eka leswi nga endzeni

Vuprofeta Bya Vumune. Ku Kayivela Ka Rirhandzu Ra Ntumbuluko

Vuprofeta Bya Vumune. Ku Kayivela Ka Rirhandzu Ra Ntumbuluko

 Vuprofeta Bya Vumune. Ku Kayivela Ka Rirhandzu Ra Ntumbuluko

“Vanhu a va nge vi . . . na rirhandzu ra ntumbuluko emindyangwini ya vona.”—2 TIMOTIYA 3:1-3, God’s Word Bible.

● Chris, u tirha eka ntlawa lowu pfunaka vanhu hi ta madzolonga ya le mindyangwini eN’walungwini wa Wales. U ri: “Ndzi tsundzuka siku leri ndzi nga vona wansati loyi a a biwe swinene lerova a ndzi nga ha n’wi tivi. Vavasati van’wana va vaviseke swinene emintlhavekweni lerova va chava hambi ku ri ku languta munhu exikandzeni.”

I YINI LESWI MATIMU MA SWI VULAKA? Etikweni rin’wana ra le Afrika, ku ringanyetiwa leswaku wansati un’we eka vanharhu u tshame a xanisiwa hi timhaka ta masangu loko a ha ri ntsongo. Nkambisiso lowu endliweke etikweni rero wu kombisa leswaku vavanuna lava tlulaka n’we-xa-nharhu a va vona onge swa amukeleka ku ba vasati va vona. Hambiswiritano, vavasati a hi vona ntsena lava xanisiwaka emindyangwini. Hi xikombiso, le Canada, vavanuna va kwalomu ka vanharhu eka va khume va mbeyeteriwa kumbe va xanisiwa hi vasati va vona.

I YINI LESWI VANHU VA SWI VULAKA? Madzolonga ya le mindyangwini a yo sungula namuntlha. Kambe swi tikomba onge se ku vulavuriwa ngopfu ha wona ku tlula enkarhini lowu hundzeke.

XANA LESWI VA SWI VULAKA I NTIYISO? Eka makume ya malembe lama ha ku hundzaka, ku vulavuriwe ngopfu hi madzolonga ya le mindyangwini. Kambe, xana leswi swi endle leswaku ma hunguteka? Nikatsongo. Ku kayivela ka rirhandzu ra ntumbuluko se swi vonaka ngopfu namuntlha.

U EHLEKETA YINI? Xana 2 Timotiya 3:1-3 yi karhi ya hetiseka? Xana vo tala a va na rona rirhandzu ra ntumbuluko emindyangwini ya vona?

Vuprofeta bya vuntlhanu lebyi hetisekaka byi khumba kaya ra hina ku nga misava. Xiya leswi Bibele yi swi vulaka emhakeni leyi.

[Marito lama tshahiweke exihlokweni lama nga eka tluka 7]

“Ku vuriwa leswaku vanhu a va ma viki madzolonga ya le mindyangwini. Hi xiringaniso, wansati u xanisiwa minkarhi ya 35 hi nuna wakwe ku ri kona a yaka emaphoriseni.”—MUVULAVULERI LA PFUNAKA VANHU HI TA MADZOLONGA YA LE MINDYANGWINI.