Nghena endzeni

Hundzela eka leswi nga endzeni

Yesu A A Hlamarisa Vayingiseri Vakwe

Yesu A A Hlamarisa Vayingiseri Vakwe

 Ta Vantshwa Va Hina

Yesu A A Hlamarisa Vayingiseri Vakwe

Swiletelo: Endla xitoloveto lexi endhawini leyi nga riki na pongo. Loko u ri karhi u hlaya matsalwa, tiehlekete u ri eka xiendlakalo lexi u hlayaka ha xona. Vona xiendlakalo xa kona hi mahlo ya mianakanyo. Twana marito lawa va ma vulaka. Titwi hi ndlela leyi vanhu lava ku vulavuriwaka ha vona va ti twaka ha yona. Endla leswaku rungula leri ri twala onge ri le ku endlekeni sweswi.

VONA XIENDLAKALO XA KONA HI MAHLO YA MIANAKANYO.—HLAYA LUKA 2:41-47.

Xana u ehleketa leswaku hi tihi timhaka leti vadyondzisi a va vulavurisana ha tona na Yesu hilaha swi hlamuseriweke hakona eka ndzimana 46?

․․․․․

ANAKANYISISA SWINENE HI MHAKA LEYI.

U ehleketa leswaku i yini lexi endleke leswaku Yesu a kota ku vulavurisana ni varhangeri va vukhongeri hambileswi a ha ri ntsongo? Xana a swi endliwa hileswi a a hetisekile kumbe ku ni swin’wana leswi engetelekeke?

․․․․․

VONA XIENDLAKALO XA KONA HI MAHLO YA MIANAKANYO.—HLAYA LUKA 2:48-52.

Xana u ehleketa leswaku Yesu a a anakanya yini loko a vutisa a ku: “Ha yini mi boheke ku famba mi ndzi lava?”

․․․․․

Ha yini hi nga tiyisekaka leswaku Yesu a nga vulavulanga ni vatswari vakwe hi ndlela yo va hlekula kumbe leyi nga kombisiki xichavo?

․․․․․

ANAKANYISISA SWINENE HI MHAKA LEYI.

Ha yini a swi fanerile leswaku Yosefa na Mariya va karhateka?

․․․․․

Hambileswi Yesu a a hetisekile, ha yini a a fanele a hambeta a tiveka ehansi ka vatswari vakwe?

․․․․․

Xana u ehleketa leswaku Yesu a nga va a khomiwe hi tingana leswi a tshinyiweke emahlweni ka vanhu lava a va n’wi xixima?

․․․․․

TIRHISA LESWI U SWI DYONDZEKE. SWI TSALE EHANSI LESWI U SWI DYONDZEKE MALUNGHANA NI . . .

Ku tiveka ehansi.

․․․․․

Nkoka wo lava vutivi bya Bibele loko wa ha ri ntsongo.

․․․․․

HI WIHI NCHUMU WA NKOKA LOWU U WU DYONDZEKE EKA RUNGULA LERI NASWONA HA YINI?

․․․․․