Nghena endzeni

Hundzela eka leswi nga endzeni

Wa Tsundzuka Xana?

Wa Tsundzuka Xana?

 Wa Tsundzuka Xana?

Xana u swi tsakerile ku hlaya minkandziyiso ya sweswinyana ya Xihondzo xo Rindza? A hi vone loko u nga swi kota ku hlamula swivutiso leswi landzelaka:

• Hi swihi swilo swinharhu leswi nga hi pfunaka ku hlula mboyamelo wihi ni wihi wa ku nga tshembeki?

Hi leswi: (1) Hlakulela ku chava Xikwembu hi ndlela leyi faneleke. (1 Pet. 3:12) (2) Vana ni ripfalo leri leteriweke hi Bibele. (3) Tikarhatele ku va la enerisekaka.—4/15, matluka 6-7.

• Hi swi tivisa ku yini leswaku ku tirhela Xikwembu hi ku tiyimisela a swi vuli swona leswaku minkarhi hinkwayo hi fanele hi tshama hi languteka onge ha karhata ni ku tshika ku titsakisa?

Hi nga kambisisa xikombiso xa Yesu. A a swi tsakela ku dya swakudya ni van’wana hi minkarhi yo tsakisa. Ha swi tiva leswaku a a nga tiyimiseli ku tlula mpimo kumbe ku boha xikandza. Vanhu van’wana ku katsa ni vana a va tsakela ku ya eka yena naswona a va titwa va ntshunxekile loko va ri na yena.—4/15, tluka 10.

• I yini leswi mpatswa wu nga swi endlaka loko vuxaka bya wona byi tikomba onge byi tsanile endzhaku ko kuma vana?

Ha un’we wa vona u fanele a tshamela ku byela lowun’wana leswaku wa n’wi rhandza. Wanuna a nga ringeta ku pfuna nsati wakwe leswaku a nga titwi onge a nga rhandziwi. Naswona havambirhi ka vona va fanele va tikarhatela ku vulavurisana kahle hi mintlhaveko ya vona ni hi swilaveko swa vona swa nyama.—5/1, matluka 12-13.

• I yini leswi a swi fanekiseriwa hi murhi wa mutlhwari eka Varhoma ndzima 11?

Murhi wa mutlhwari wu fanekisela xiphemu xa vumbirhi xa mbewu ya Abrahama, ku nga Israyele wa moya. Yehovha u fana ni rimitsu naswona Yesu u fana ni miri wa murhi lowu wa mutlhwari wo fanekisela. Loko Vayuda vo tala va ntumbuluko va ale ku amukela Yesu, Vamatiko lava veke vapfumeri va tlhomiwile eka wona, xisweswo va humesa nhlayo leyi heleleke ya xiphemu xa vumbirhi xa mbewu ya Abrahama.—5/15, matluka 22-25.

• Hi wahi mahungu lamanene lawa ngopfu-ngopfu hi nga ma byelaka swisiwana?

Mahungu ya kona hi lawa: Xikwembu xi veke Yesu ku va Hosi. I Mufumi la fanelekaka ku herisa vusiwana. Ha yini? Hikuva u ta fuma vanhu hinkwavo naswona u ni matimba yo byi herisa; u ni ntwela-vusiwana eka swisiwana; naswona a nga herisa leswi vangaka vusweti, ku nga mboyamelo wa vutianakanyi lowu hi velekiweke na wona.—6/1, tluka 7.

• Yesu a a vula yini loko a byela Kayafasi a ku: “Wena hi wexe u swi vurile”?—Mat. 26:63, 64.

Swi tikomba onge xiga lexi nge “wena hi wexe u swi vurile” a ku ri xivulavulelo lexi tolovelekeke xa Xiyuda lexi tiyisekisaka leswaku mhaka leyi vuriweke i ntiyiso. Muprista Lonkulu Kayafasi u vutise Yesu loko a ri Kreste, N’wana wa Xikwembu. Nhlamulo ya Yesu leyi nge: “Wena hi wexe u swi vurile,” yi kombisa leswaku a a pfumela leswi vuriweke hi muprista lonkulu.—6/1, tluka 18.

• Xana vana lava hetisekeke lava Yesu a a ta va na vona a va ta vumba xiphemu xa nkutsulo?

Doo! Hambileswi Yesu a a ta va a kume vana va tibiliyoni lava hetisekeke, vana volavo a va nga ta vumba xiphemu xa nkutsulo. I vutomi bya Yesu lebyi hetisekeke ntsena lebyi a byi yelana ni bya Adamu. (1 Tim. 2:6)—6/15, tluka 13.

• Vakreste va nga swi kombisa njhani leswaku va xi tekela enhlokweni xilemukiso lexi vulavulaka hi vadyondzisi va mavunwa lexi nga eka Mintirho 20:29, 30?

A va va amukeli vadyondzisi va mavunwa emakaya ya vona kumbe ku va xeweta. (Rhom. 16:17; 2 Yoh. 9-11) Vakreste a va ti hlayi tibuku ta vagwinehi, a va yi hlaleli minongonoko ya vona ya le ka thelevhixini ni ku nghena eka ti-Web site ta le ka Internet leti nga ni tidyondzo ta vona.—7/15, matluka 15-16.

• I mani loyi a faneleke a dyondzisa vana hi Xikwembu?

Tatana na manana va fanele va khomisana eku dyondziseni ka vana va vona hi ku ya hi leswi Bibele yi swi vulaka. (Swiv. 1:8; Efe. 6:4) Ndzavisiso wu kombisa leswaku loko vatswari va khomisana emhakeni leyi, ku va ni vuyelo lebyinene.—8/1, matluka 6-7.