Nghena endzeni

Hundzela eka leswi nga endzeni

 XIPHEMU 1

Xana Hi Xi Yingisa Njhani Xikwembu?

Xana Hi Xi Yingisa Njhani Xikwembu?

Xikwembu xi vulavula na hina hi ku tirhisa Bibele. 2 Timotiya 3:16

Xikwembu xa ntiyiso xi kongomise vavanuna leswaku va tsala miehleketo ya xona ebukwini yin’we yo kwetsima. Buku yoleyo i Bibele. Yi ni rungula ra nkoka leri Xikwembu xi lavaka leswaku u ri tiva.

Xikwembu xa swi tiva leswi nga swinene eka hina naswona i Xihlovo xa vutlhari hinkwabyo. Loko u xi yingisa u ta tlhariha.—Swivuriso 1:5.

Xikwembu xi lava leswaku munhu un’wana ni un’wana laha misaveni a hlaya Bibele. Sweswi yi kumeka hi tindzimi to tala.

Loko u lava ku yingisa Xikwembu u fanele u hlaya Bibele u tlhela u yi twisisa.

 Vanhu emisaveni hinkwayo va yi yingisa Bibele. Matewu 28:19

Timbhoni ta Yehovha ti nga ku pfuna leswaku u twisisa Bibele.

Ti dyondzisa ntiyiso hi Xikwembu emisaveni hinkwayo.

Leswaku u kuma dyondzo leyi, a wu boheki ku hakela mali. U nga tlhela u dyondza hi Xikwembu eHolweni ya Mfumo ya Timbhoni ta Yehovha ya le ndhawini ya ka n’wina..