Nghena endzeni

Xana Ku Xaniseka Ku Ta Kala Ku Hela?

Xana Ku Xaniseka Ku Ta Kala Ku Hela?

Xana u nga vula u ku . . .

  • ina?

  • nikatsongo?

  • kumbexana?

 LESWI BIBELE YI SWI VULAKA

“Xikwembu . . . xi ta sula mihloti hinkwayo ematihlweni ya vona, rifu a ri nge he vi kona, hambi ku ri ku kolola, ni xirilo ni xitlhavi a swi nge he vi kona.”—Nhlavutelo 21:3, 4.

NDLELA LEYI SWESWO SWI NGA KU VUYERISAKA HA YONA

Xitiyisekiso xa leswaku Xikwembu a hi xona xi vangaka swiphiqo swa hina.—Yakobo 1:13.

Swa hi chavelela ku tiva leswaku Xikwembu xi yi twisisa hi ku helela ndlela leyi hi titwaka ha yona loko hi xaniseka.—Zakariya 2:8.

Hi ni ntshembo wa leswaku ku xaniseka hinkwako ku ta hela.—Pisalema 37:9-11.

 XANA HI NGA SWI TSHEMBA HAKUNENE LESWI BIBELE YI SWI VULAKA?

Ina, hikwalaho ka swivangelo swimbirhi:

  • Xikwembu xi venga ku xaniseka ni vuhomboloki. Xiya ndlela leyi Yehovha Xikwembu a titweke ha yona loko vanhu va yena eminkarhini ya le Bibeleni va khomiwa hi ndlela ya tihanyi. Bibele yi vula leswaku a a karhatekile hikwalaho ka lava “a va va yingayingisa.”—Vaavanyisi 2:18.

    Xikwembu xa va venga vanhu lava vavisaka van’wana. Hi xikombiso, Bibele yi vula leswaku “mavoko lama halataka ngati leyi nga riki na nandzu” ma nyenyetsa eka xona.—Swivuriso 6:16, 17.

  • Xikwembu xa khathala hi hina. A hi munhu un’wana ni un’wana ntsena a tivaka “khombo rakwe ni ku vaviseka kakwe” kambe Yehovha na yena wa ma tiva!2 Tikronika 6:29, 30.

    Hi ku tirhisa Mfumo wakwe, ku nga ri khale Yehovha u ta herisa ku xaniseka ka munhu un’wana ni un’wana. (Matewu 6:9, 10) Kambe sweswi, hi rirhandzu u chavelela lava n’wi lavaka hi mbilu hinkwayo.—Mintirho 17:27; 2 Vakorinto 1:3, 4.

 XIVUTISO XO ANAKANYISISA HA XONA

Ha yini Xikwembu xi pfumelela ku xaniseka?

Bibele yi hlamula xivutiso xexo eka VARHOMA 5:12 na 2 PETRO 3:9.