Nghena endzeni

Hundzela eka leswi nga endzeni

 DYONDZO 19

Endla Matshalatshala Yo Fikelela Mbilu

Endla Matshalatshala Yo Fikelela Mbilu

Swivuriso 3:1

HI KU KOMISA: Pfuna vayingiseri va wena va xiya nkoka wa leswi va swi dyondzaka va tlhela va swi tirhisa.

NDLELA LEYI U NGA SWI ENDLAKA HA YONA:

  • Pfuna vayingiseri va wena leswaku va tikambisisa. Vutisa swivutiso leswi nga laviki nhlamulo leswaku u pfuna vayingiseri va wena va tikambisisa.

  • Hi ndlela ya musa va khutaze ku ya emahlweni va endla leswinene. Khutaza vayingiseri va wena leswaku va kambisisa xivangelo lexi va susumetelaka ku endla mitirho leyinene. Va pfune leswaku va va ni xivangelo lexi twalaka xo rhandza Yehovha, vanhu van’wana ni leswi Bibele yi swi dyondzisaka. Va pfune va vona nkoka wa leswi Bibele yi swi dyondzisaka, u nga va byeli leswi va faneleke va swi endla. Va siye va khutazekile loko u gimeta bulo ra wena leswaku va ta tikarhatela ku endla swilo leswinene.

  • Va pfune leswaku va yisa ku dzuneka eka Yehovha. Kombisa ndlela leyi tidyondzo, misinya ya milawu ni swileriso leswi nga eBibeleni, swi kombisaka timfanelo ta Xikwembu ni ndlela leyi xi hi rhandzaka ha yona. Pfuna vayingiseri va wena leswaku va tikarhatela ku tsakisa Yehovha va tlhela va khathala hi ndlela leyi a titwaka ha yona.