Nghena endzeni

Hundzela eka leswi nga endzeni

Hi Xihi Xikongomelo Xa Xikwembu Hi Hina?

Hi Xihi Xikongomelo Xa Xikwembu Hi Hina?

LOKO u hlaya phephahungu, u hlalela thelevhixini kumbe u yingisela rhadiyo, u twa u tlhela u vona timhaka to tala ta vugevenga, tinyimpi ni vutherorisi. Kumbexana na wena wa xaniseka hikwalaho ka vuvabyi kumbe hi ku feriwa hi munhu loyi u n’wi rhandzaka.

Tivutise:

  • Xana lexi hi xona xikongomelo xa Xikwembu hi mina ni ndyangu wa mina?

  • Ndzi nga wu kuma kwihi mpfuno wo langutana ni swiphiqo swa mina?

  • Xana ku ta va ni ku rhula?

Bibele yi nyikela tinhlamulo leti khorwisaka ta swivutiso leswi.

BIBELE YI DYONDZISA LESWAKU XIKWEMBU XI TA ENDLA SWILO SWO HLAMARISA EMISAVENI.

 VUYERIWA EKA LESWI BIBELE YI SWI DYONDZISAKA

Swi nga ha olova ku anakanya leswaku leswi u swi dyondzeke eka matluka yo sungula ya buku leyi i norho. Kambe Xikwembu xi tshembise ku endla ku cinca koloko emisaveni ku nga ri khale naswona Bibele yi hlamusela ndlela leyi xi nga ta swi endla ha yona.

Bibele yi tlhela yi hlamusela leswi engetelekeke. Yi hi byela leswi hi faneleke hi swi tiva leswaku hi tshama hi tsakile ni ku tsakela vutomi sweswi. Anakanya hi swilo leswi ku vilerisaka. Swi nga ha katsa swiphiqo swa mali kumbe swa ndyangu, mavabyi kumbe ku feriwa hi munhu loyi u n’wi rhandzaka. Bibele yi nga ku pfuna leswaku u langutana ni swiphiqo leswi naswona yi nga ku chavelela hi ku hlamula swivutiso swo fana ni leswi:

 Ku va u hlaya buku leyi swi kombisa leswaku u lava ku tiva leswi Bibele yi swi dyondzisaka. Buku leyi yi ta ku pfuna. Tindzimana ta yona ti ni swivutiso leswi nga ta ku pfuna ku twisisa Bibele ku antswa. Vanhu va timiliyoni va tiphinile hi ku dyondza Bibele ni Timbhoni ta Yehovha. Ha tshemba leswaku na wena u ta tiphina. Onge Xikwembu xi nga ku katekisa loko u ri karhi u vona leswi u nga swi dyondzaka eBibeleni.