Nghena endzeni

Hundzela eka leswi nga endzeni

 GEORGIA

Rirhandzu Leri Vamakwerhu Va Kombisanaka Rona A Ri Pimanisiwi Na Nchumu

Rirhandzu Leri Vamakwerhu Va Kombisanaka Rona A Ri Pimanisiwi Na Nchumu

LOKO Sanel a nga si velekiwa, madokodela ma byele vatswari va yena leswaku loko o ka a nga fi loko a velekiwa a a ta va ni swiphiqo swa rihanyo. Ku sukela siku leri a velekiweke ha rona, a a fanele a endliwa vuhandzuri. Vatswari vakwe lava a va tshama eAbkhazia ku nga xifundzha lexi a xi nga lawuriwi hi Georgia, a va swi kotanga ku kuma dokodela leri a ri ta endla Sanel vuhandzuri handle ko tirhisa ngati.

Vatswari vakwe va tihlanganise ni Komiti yo Vulavurisana ni Swibedlhele (Hospital Liaison Committee [HLC]) ya kwalaho. * Hi ku hatlisa, vamakwerhu va le ka HLC va kume dokodela ro endla vuhandzuri eTbilisi entsindza wa le Georgia. Kambe mana wa Sanel a nga si hola lerova a nga kota ku famba. Ku tekiwe xiboho xa leswaku vakokwana wa Sanel va xisati, lava havumbirhi a va ri Timbhoni va teka n’wana va famba na yena exibedlhele eTbilisi.

Vuhandzuri byi fambe kahle. Endzhakunyana, vakokwana lava va tsale va ku: “Hi tshame exibedlhele masiku yo tlula 20. Hi nkarhi wolowo, vamakwerhu vo tala va le Georgia va hi endzerile kutani va hi pfuna. Vo tala a va hi twelavusiwana. Hi tshame hi hlaya hi rirhandzu leri vamakwerhu va nga na rona kambe sweswi a hi kombisiwa rona hi ku kongoma.”

^ ndzim. 4 EGeorgia, vakulu lava tirhaka eka HLC va endle ntwanano ni madokodela yo tlula 250 lama nga taka ma nga tirhisi ngati loko ma endla vuhandzuri.