Yobo 9:1-35

  • Yobo a hlamula (1-35)

    • Munhu a nge swi koti ku lwa ni Xikwembu (2-4)

    • ‘Xikwembu xi endla swilo leswi nga lavisisekiki’ (10)

    • Munhu a nge swi koti ku hlamulana ni Xikwembu (32)

9  Yobo a hlamula a ku:  “Entiyisweni ndza swi tiva leswaku swi tano. Kambe xana munhu a nga va wo lulama hi ndlela yihi emahlweni ka Xikwembu?+   Loko munhu a lava ku kanetana na xona,*+Munhu yoloye a nge xi hlamuli na xin’we xa swivutiso swa xona swa 1 000.   Xi tlharihile naswona xi ni matimba lamakulu.+ I mani loyi a nga lwaka na xona kutani a nga vaviseki?+   Xi susa tintshava swi nga tiviwi hi munhu;Xa ti hundzuluxa hikwalaho ka ku hlundzuka ka xona.   Xi tsekatsekisa misava yi suka endhawini ya yona,Lerova tiphuphu ta yona ti rhurhumela.+   Xi lerisa dyambu leswaku ri nga voningi,Naswona xi pfala tinyeleti leswaku ti nga voningi;+   Xi andlala matilo hi xoxe,+Xi famba ehenhla ka magandlati lamakulu ya lwandle.+   Xi endle ntlawa wa tinyeleti+ wa Axi,* Kesili* na Kima* Ni ntlawa wa tinyeleti leti nga le dzongeni; 10  Xi endla swilo leswikulu ni leswi nga lavisisekiki,+Swilo swo hlamarisa leswi nga hlayekiki.+ 11  Xi hundza hi le tlhelo ka mina kambe a ndzi xi voni;Xa ndzi hundza kambe a ndzi swi xiyi. 12  Loko xi vutla xo karhi, i mani la nga xi sivelaka? I mani la nga xi vutisaka a ku, ‘U endla yini?’+ 13  Xikwembu a xi nge ku siveli ku hlundzuka ka xona;+Hambi ku ri lava pfunaka Rahava*+ va ta xi khinsamela. 14  Kutani ku vuriwa yini hi loko ndzi xi hlamula? Ndzi fanele ndzi hlawula marito ya mina hi vukheta loko ndzi hlamulana na xona. 15  Hambiloko a ndzi nga dyohanga+ a ndzi nga ta xi hlamula. A ndzi ta kombela ku tweriwa vusiwana ntsena eka muavanyisi wa mina.* 16  Loko ndzi xi vitana, xana xi ta ndzi hlamula? A ndzi tshembi leswaku xi ta ndzi yingisa, 17  Hikuva xi ndzi mbeya hi xidzedzeXi endla leswaku timbanga ta mina ti tala ku nga ri na xivangelo.+ 18  A xi ndzi nyiki ni nkarhi wo koka moya;Xi tshamela ku ndzi dyisa mbitsi. 19  Loko swi ta eka matimba hi xona lexi nga ni matimba lamakulu.+ Loko swi ta emhakeni ya swa nawu, xi ri: ‘I mani loyi a nga ndzi konanisaka?’ 20  Niloko a ndzi nga dyohanga, nomu wa mina a wu ta ndzi gweva;Hambiloko ndzo tshama ndzi tshembekile, xi ta ndzi vona nandzu. 21  Hambiloko ndzo tshama ndzi tshembekile, a ndzi titshembi;A ndza ha swi lavi ku hanya. 22  Hinkwaswo swo fana. Hi yona mhaka leyi ndzi nge,‘Xi herisa lava nga riki na nandzu* ni lavo biha hi ndlela leyi fanaka.’ 23  Loko ko tshuka ku va ni ndhambi yi dlaya vanhu,Xi ta hleka maxangu ya loyi a nga riki na nandzu. 24  Misava yi nyikiwe lowo homboloka;+Xi pfala matihlo* ya vaavanyisi va yona. Loko ku nga ri xona, se i mani? 25  Sweswi masiku ya mina ma tsutsuma ngopfu ku tlula xitsutsumi;+Ma hela ma nga si vona leswinene. 26  Ma famba ku fana ni swikepe leswi endliweke hi tinhlanga,Ma fana ni magama lama bvutamelaka swakudya swa wona. 27  Loko ndzi ku, ‘Ndzi ta rivala leswi ndzi vilerisaka,Ndzi ta cinca nghohe ya mina ndzi tsaka,’ 28  Ndza ha ta chava hikwalaho ka switlhavi swa mina hinkwaswo,+Ndza swi tiva leswaku a wu ta ndzi vona nandzu. 29  A ndzi ta voniwa nandzu.* Xisweswo hikwalaho ka yini ndzi tikarhata mahala?+ 30  Loko ndzo hlamba hi mati ya gamboko,Ndzi basisa mavoko ya mina hi xisibi,+ 31  A wu ta ndzi hoxa emugodini,Lerova ni swiambalo swa mina swi ndzi nyenya. 32  Hikuva xona a hi munhu ku fana na mina lerova ndzi nga xi hlamula,Leswaku hi nga ya swin’we ehubyeni.+ 33  A nga kona loyi a nga tengaka mhaka ya hina,*A va muavanyisi wa hina. 34  Loko a xo tshika ku ndzi baXi tshika ni ku ndzi chavisa,+ 35  Kutani a ndzi ta vulavula na xona ndzi nga chavi,Hikuva a ndzi munhu wo vulavula a ri karhi a chava.

Tinhlamuselo ta le hansi

Kumbe “ku xi yisa ehubyeni.”
Kumbexana ntlawa wa tinyeleti lowu vuriwaka Great Bear (Ursa Major).
Kumbexana ntlawa wa tinyeleti leti vuriwaka Orion.
Kumbexana tinyeleti leti vuriwaka Pleiades leti nga eka ntlawa wa tinyeleti leti vuriwaka Taurus.
Kumbexana xivandzana lexikulu xa le lwandle.
Kumbexana “loyi a ndzi mangaleleke.”
Kumbe “lava tshembekeke.”
Hi Xiheveru, “swikandza.”
Hi Xiheveru, “va ndzi hombolokile.”
Kumbe “A ku na muhlanganisi.”