Yobo 8:1-22

  • Bilidadi a vulavula ro sungula (1-22)

    • A vula leswaku vana va Yobo va dyohile (4)

    • ‘Loko a wu basile, Xikwembu a xi ta ku twela vusiwana’ (6)

    • A vula leswaku Yobo a nga rhandzi Xikwembu (13)

8  Kutani Bilidadi+ wa Muxuha+ a hlamula a ku:   “Xana u ta vulavula hi ndlela leyi ku fikela rini?+ Leswi u swi vulavulaka swo fana ni moya wa matimba!   Xana Xikwembu xi nga avanyisa hi ndlela leyi hoxeke,Kumbe Lowa Matimba Hinkwawo a nga endla leswi nga lulamangiki?   Loko vana va wena va n’wi dyoherile,U va tshike va xupuriwa hikwalaho ka ku xandzuka ka vona;   Kambe loko a wo kombela mpfuno eka Xikwembu,+U kombela tintswalo eka Lowa Matimba Hinkwawo,   Loko a wu basile hakunene u tlhela u lulama,+A a ta ku twela vusiwanaA ku vuyisela eka xiyimo lexi a wu ri eka xona.   Naswona hambileswi masungulo ya wena a ma nga nyawuli,A wu ta va ni vumundzuku lebyinene.+   Ndzi kombela u vutisa va khale,U yingiserisisa leswi vatata wa vona va swi kumeke.+   Hikuva hina hi velekiwe tolo kunene naswona a hi tivi nchumu,Hikuva masiku ya hina emisaveni ma fana ni ndzhuti. 10  Xana a va nge ku dyondzisi Va ku byela leswi va swi tivaka? 11  Xana ximilana xa papirasi xi nga kula xi leha xi nga ri enhlangasini? Xana rihlanga ri nga kula ri leha ri nga ri na mati? 12  Xi ta oma ku tlula swimilana swin’wanaXi nga si hluka kumbe ku khiwa. 13  Hinkwavo lava rivalaka Xikwembu va ta va tano,Hikuva ntshembo wa lava nga chaviki Xikwembu wu ta hela, 14  Lava tshembaka leswi nga pfuniki nchumu Ni lava ntshembo wa vona wu nga tiyangiki ku fana ni vulwembu* bya pume. 15  U ta titshega hi yindlu yakwe kambe a yi nge tiyi;U ta ringeta ku yi khoma kambe yi ta wa. 16  U fana ni ximilana lexi nga ni mati edyambyini,Lexi navaka entangeni.+ 17  Timitsu takwe ti fika ti tsondzela nhulu ya maribye;U lava ku tshama exikarhi ka wona. 18  Kambe loko a tsuvuriwa* endhawini yakwe,Ndhawu yoleyo yi ta n’wi landzula yi ku, ‘A ndzi si tshama ndzi ku vona.’+ 19  Yoleyo hi yona ndlela leyi a nga ta nyamalala ha yona;+Kutani ku ta mila van’wana entshurini. 20  Swi le rivaleni leswaku Xikwembu a xi nge va fularheli lava tshembekaka;Naswona a xi nge va seketeli lavo homboloka, 21  Hikuva xa ha ta endla leswaku u hlekaU ba nkulungwana. 22  Lava ku vengaka va ta khomiwa hi tingana,Tende ra lavo homboloka a ri nge he vi kona.”

Tinhlamuselo ta le hansi

Hi Xiheveru, “yindlu.”
Kumbe “mitiwa.”