Yobo 40:1-24

  • Yehovha a ya emahlweni a vutisa Yobo (1-24)

    • Yobo a pfumela leswaku a ku na lexi a nga xi vulaka (3-5)

    • “Xana u nga xopaxopa vululami bya mina?” (8)

    • Xikwembu xi hlamusela matimba ya Behemoti (15-24)

40  Yehovha a ya emahlweni a hlamula Yobo a ku:   “Xana muxopaxopi a nga kanetana ni Lowa Matimba Hinkwawo?+ La solaka Xikwembu a a hlamule.”+   Yobo a hlamula Yehovha a ku:   “Vona! A ndzo va nchumu.+ Xana ndzi nga ku hlamula ndzi ku yini? Ndzi veka voko ra mina enon’wini wa mina.+   Ndzi vulavule kan’we kambe a ndzi nge he hlamuli;Kambirhi, kambe a ndzi nge he vulavuli nchumu.”   Kutani Yehovha a hlamula Yobo a ri exidzedzeni a ku:+   “Ndzi kombela u lungheka ku fana ni wanuna;Ndzi ta ku vutisa, wena u ndzi hlamula.+   Xana u nga xopaxopa vululami bya mina? Xana u nga ndzi vula wo homboloka leswaku wena u ta va wo lulama?+   Xana u ni voko ra matimba ro fana ni ra Xikwembu xa ntiyiso,+Kumbe, xana rito ra wena ri nga dzindza ku fana ni ra xona?+ 10  Ndzi kombela u tiambexa ku vangama ni vukulu;Tiambexe xindzhuti ni ku xiximeka. 11  Chulula vukarhi bya wena;Languta un’wana ni un’wana la titlakusaka, u n’wi tsongahata. 12  Languta hinkwavo lava nga ni manyunyu, u va chicha xindzhuti,Kandziyela lavo homboloka laha va nga kona. 13  Va tumbete hinkwavo ehansi ka misava;Va pfalele endhawini leyi fihlekeke, 14  Kutani ndzi ta pfumelaLeswaku voko ra wena ra xinene ri nga ku ponisa. 15  Hi leyi Behemoti* leyi ndzi yi endleke ku fana na wena. Yi dya byanyi ku fana ni nkuzi. 16  Vona matimba lama nga le masengeni ya yona,Ni matimba ya tinyama leti nga le khwirini ra yona. 17  Yi tiyisa ncila wa yona ku fana ni mukedari;Misiha ya mindzhumbi ya yona yi tsondzelanile. 18  Marhambu ya yona i tiphayiphi ta koporo;Mavoko ni milenge ya yona ma fana ni tinsimbhi. 19  Exikarhi ka mitirho ya Xikwembu hi yona yi rhangaka emahlweni;Muendli wa yona hi yena ntsena a nga yi tshinelelaka a khome banga. 20  Hikuva tintshava ti yi mirisela swakudya,Laha swiharhi hinkwaswo swi tlangaka kona. 21  Yi etlela ehansi ka murhi wa lothasi,Endzhutini wa mahlanga lama nga enhlangasini. 22  Mirhi ya lothasi yi yi endlela ndzhuti,Yi rhendzeriwe hi misinya ya phopla. 23  A yi chuhi hambiloko nambu wu karihile. A yi chavi hambiloko nambu wa Yordani+ wu khapela enon’wini wa yona. 24  Xana u kona la nga yi khomaka yi n’wi langutile,Kumbe a yi boxa nhompfu hi xinjovo?

Tinhlamuselo ta le hansi

Swi nga endleka ku ri mpfuvu.