Yobo 37:1-24

  • Ntumbuluko wu kombisa vukulukumba bya Xikwembu (1-24)

    • Xikwembu xi nga yimisa mitirho ya vanhu (7)

    • ‘Anakanya hi mitirho yo hlamarisa ya Xikwembu’ (14)

    • Vanhu a va nge pfuki va twisise Xikwembu (23)

    • A nga kona loyi a faneleke a ehleketa leswaku u tlharihile (24)

37  “Loko ndzi ehleketa hi swona,Mbilu ya mina yi bela ehenhla yi ba hi ku hatlisa.   Ku yingisele kahle ku pfuma ka rito ra xona,Ni ku dzindza loku humaka enon’wini wa xona.   Xi rhumela ndlati ku suka etilweniXi rhumela rihati ra xona+ ri ya fika ni le makumu ka misava.   Endzhaku ka sweswo ku twala ku bonga;Xi dzindza hi rito lerikulu,+Rihati ri tshamela ku ba loko xi vulavula.   Xikwembu xi dzindza hi rito ra xona+ hi ndlela leyi hlamarisaka;Xi endla swilo leswikulu leswi hi nga ta ka hi nga swi twisisi.+   Hikuva xi byela gamboko xi ku, ‘Wela emisaveni,’+ Ni maboboma ya mpfula xi ku, ‘Chululekani ehansi hi matimba.’+   Xikwembu xi yimisa mitirho ya vanhu hinkwayoLeswaku vanhu hinkwavo va ta tiva ntirho wa xona.   Swiharhi swi ya laha swi tshamaka kona,Swi tshama kona swi nga suki.   Moya wu hunga ku suka ekamareni ra wona,+Ni xirhami xi huma emoyeni wa le n’walungu.+ 10  Loko Xikwembu xi hefemula ku huma ayisi+ Ivi mati yo tala ma tiya.+ 11  Xi endla leswaku mapapa ma tikiwa hi mathonsi ya mati;Xi hangalasa rihati ra xona+ emapapeni; 12  Ma rhendzeleka ma ya laha xi ma yisaka kona;Ma endla hinkwaswo leswi xi ma lerisaka swona+ ehenhla ka misava. 13  Xi ma tirhisa ku xupula,+ kumbe ku endla leswaku ma nisa mpfulaKumbe ku kombisa rirhandzu ra xona.+ 14  Yingisa mhaka leyi, wena Yobo;Anakanyisisa hi mitirho yo hlamarisa ya Xikwembu.+ 15  Xana wa yi tiva ndlela leyi Xikwembu xi lawulaka mapapa ha yonaNi ndlela leyi xi endlaka rihati ri hatima ha yona emapapeni ya xona? 16  Xana wa swi tiva leswaku mapapa ma fambafambisa ku yini empfhukeni?+ Leyi i mitirho yo hlamarisa ya Loyi a nga ni vutivi lebyi heleleke.+ 17  Hikwalaho ka yini swiambalo swa wena swi hisaLoko misava yi rhurile hikwalaho ka moya wa le dzongeni?+ 18  Xana u nga endla xibakabaka ku fana na xona+Xi tiya ku fana ni xivoni xa nsimbhi? 19  Hi byele leswi hi faneleke hi xi byela swona;A hi koti ku hlamula hikuva hi le munyameni. 20  Xana xi fanele xi byeriwa leswaku ndzi lava ku vulavula na xona? Kumbe, xana ku ni loyi a vuleke swo karhi leswi faneleke swi byeriwa xona?+ 21  Ni ku vonakala a va ku voni,Hambileswi ku vangamaka exibakabakeni,Ku fikela loko moya wu hunga wu hangalasa mapapa. 22  En’walungwini ku vonaka ku vangama ka nsuku;Vukulu+ bya Xikwembu bya hlamarisa. 23  A hi nge pfuki hi twisise Lowa Matimba Hinkwawo;+U ni matimba lamakulu,+A nge pfuki a avanyise hi ndlela leyi lwisanaka ni vululami+ byakwe naswona u lulame swinene.+ 24  Hikwalaho vanhu va fanele va n’wi chava.+ Hikuva a nga n’wi rhandzi loyi a ehleketaka leswaku u tlharihile.”+

Tinhlamuselo ta le hansi