Yobo 30:1-31

  • Yobo a hlamusela xiyimo lexi a nga eka xona (1-31)

    • A a hlekuriwa hi swiphukuphuku (1-15)

    • A vona onge Xikwembu a xi n’wi pfuni (20, 21)

    • “Nhlonge ya mina i ya ntima” (30)

30  “Sweswi va ndzi hleka,+Vavanuna lava nga vatsongo eka mina,Lava a ndzi nga ta pfumela ku veka vatata wa vonaNi timbyana leti rindzaka ntlhambi wa mina.   Matimba ya vona a ma ndzi pfuna hi yini? Ntamu wa vona wu herile.   A va ha ri na matimba hikwalaho ka ku pfumala ni ndlala;Va handza endhawini leyi nga riki na mati,Leyi onhiweke yi tlhela yi va rhumbi.   Va hlengeleta swimilana swa munyu emakhwatini;Va dya timitsu ta murhi wa brumu.   Va hlongoriwa emutini;+Vanhu va va hewula ku fana ni loko va hewula khamba.   Va tshama emabakweni,Emiceleni ni le maribyeni.   Va huwelela va ri emakhwatiniVa vungana swin’we exikarhi ka swikhwatana.   Tanihi vana va xiphukuphuku ni vana va lava nga tiviwiki, Va hlongoriwile* etikweni.   Kambe sweswi va yimbelela tinsimu ha mina va ndzi hlekula;+Ndzi hundzuke xihlekiso eka vona.+ 10  Va ndzi nyenya va tlhela va fambela ekule na mina;+A va chavi ku ndzi tshwutela xikandza.+ 11  Leswi Xikwembu xi ndzi tekeleke tlhari ra mina xi tlhela xi ndzi tsongahata,Va tiendlela ku rhandza hi mina. 12  Va ndzi hlengela va ndzi hlasela hi tlhelo ra xinene;Va ndzi hlongorisaVa ndzi vekela swirimbana endleleni. 13  Va onha tindlela ta mina,Va nyanyisa maxangu ya mina,+Naswona a ku na loyi a va sivelaka.* 14  Va ta ku fana ni loko va nghene hi mbhovo lowukulu ekhumbini;Va tela ku ta lovisa. 15  Ndzi khomiwe hi ku chava;Xindzhuti xa mina xi susiwe onge hiloko xi biwe hi moya,A ndza ha ri na ntshembo wo ponisiwa. 16  Ndzi le kusuhi ni ku fa;+Ndza xaniseka siku ni siku.+ 17  Marhambu ya mina ma pandza nivusiku;+Switlhavi a swi miyeli.+ 18  Xiambalo xa mina xi kokiwa hi matimba lamakulu;Xi ndzi tlimba nkolo ku fana ni kholoro ya xiambalo xa mina. 19  Xikwembu xi ndzi cukumetele endzhopeni;Ndzi hundzuke ntshuri ni nkuma. 20  Ndza ku rilela leswaku u ndzi pfuna, kambe a wu ndzi hlamuli;+Ndza yima, kambe wo ndzi languta kunene. 21  U ndzi tshike hi ndlela ya tihanyi;+U ndzi be hi voko ra wena ra matimba. 22  U ndzi tlakule hi moya wa wena;Kutani u ndzi yisa hala ni hala hi xidzedze. 23  Hikuva ndza swi tiva leswaku u ta ndzi tshika ndzi fa,Ndzi ta ya laha hinkwavo lava hanyaka va nga ta hlangana kona. 24  Kambe a nga kona la nga baka munhu loyi a vavisekeke+ Loko a kombela ku pfuniwa hi nkarhi wa maxangu. 25  Xana a ndzi nga rili ni lava weriweke hi maxangu? Xana a ndzi nga rili ni swisiwana?+ 26  Hambileswi a ndzi rindzele leswinene, ku fike swo biha;A ndzi rindzele ku vonakala, kambe ku fike munyama. 27  Khwiri ra mina ra duma a ri miyeli;Masiku yo tika ma ndzi kumile. 28  Ndzi famba ndzi ri ni gome;+ dyambu a ri ndzi voningeli. Ndzi yima exikarhi ka ntshungu ndzi kombela mpfuno. 29  Ndzi hundzuke makwavo wa timhungubyeNi munghana wa swimbhahana swa yinca.+ 30  Nhlonge ya mina i ya ntima naswona ya guvuka;+Marhambu ya mina ma tshwa hikwalaho ko hisa. 31  Haripa ya mina yi tirhiseriwa ku chaya tinsimu ta nkosi ntsena,Ni xitiringo* xa mina xi tirhiseriwa ku chaya tinsimu ta xirilo.

Tinhlamuselo ta le hansi

Hi Xiheveru, “twisiwe ku vava.”
Kumbexana “A ku na loyi a va pfunaka.”
Kumbe “nanga.”