Yobo 22:1-30

  • Elifazi a vulavula ra vunharhu (1-30)

    • ‘Xana munhu a nga pfuna Xikwembu?’ (2, 3)

    • A hehla Yobo hi makwanga ni ku kala vululami (6-9)

    • ‘Tlhelela eka Xikwembu u ta tlhela u hanya’ (23)

22  Elifazi+ wa Mutemani a hlamula a ku:   “Xana munhu a nga pfuna yini eka Xikwembu? Xana munhu wo tlhariha a nga xi pfuna ha yini?+   Xana Lowa Matimba Hinkwawo u ni mhaka loko u lulamile,Kumbe xana swi n’wi pfuna yini loko u tshama u tshembekile?+   Xana xi ta ku xupula,Xi tlhela xi ku yisa ehubyeni hileswi u xi chavaka?   Xana a hi kwalaho ka leswi u hombolokeke swineneNaswona u tshamelaka ku dyoha?+   Hikuva u tekela vamakwenu swo khomela xikweleti ku nga ri na xivangelo,U tekela vanhu swiambalo swa vona, va sala va nga ambalanga.+   U tsona lava karhaleke mati yo nwa,Naswona u tsona lava twaka ndlala swakudya.+   Tiko i ra loyi a nga ni matimba,+Naswona loyi a rhandziwaka u tshama eka rona.   Kambe u tlherise tinoni ximandlamandla,Naswona u xanise vana lava feriweke hi vatswari. 10  Hi yona mhaka u rhendzeriweke hi swirimbana,+Ni makhombo ya xitshuketa ma ku chavisa; 11  Hi yona mhaka ku ri xinyami lerova a wu koti ku vona,Ni mati ya ndhambi ma ku funengetile. 12  Xana Xikwembu a xi le tilweni? Naswona vona ndlela leyi tinyeleti hinkwato ti nga le henhla ha yona. 13  Kambe u te: ‘Kahlekahle, Xikwembu xi tiva yini? Xana xi nga avanyisa xi ri exinyamini? 14  A xi koti ku vona hikuva xi pfaleriwe hi mapapaLoko xi ri karhi xi fambafamba etilweni.’* 15  Xana u ta famba hi ndlela ya khaleLeyi vanhu vo homboloka a va famba ha yona, 16  Vanhu lava nga hatla va dlayiwa,Lava khukhuriweke hi ndhambi?*+ 17  A va byela Xikwembu xa ntiyiso va ku: ‘Hi tshike!’ Naswona ‘Lowa Matimba Hinkwawo a nga hi endla yini?’ 18  Kambe hi xona lexi a xi tata tiyindlu ta vona hi swilo leswinene. (A ndzi ehleketi ku fana ni vanhu volavo vo homboloka.) 19  Lavo lulama va ta swi vona kutani va tsaka,Lava nga riki na nandzu va ta va hlekula, va ku: 20  ‘Valala va hina va lovisiwile,Lava saleke va ta hisiwa hi ndzilo.’ 21  Xi tive, u ta va ni ku rhula;Kutani u ta kuma swilo leswinene. 22  Yingisa nawu wa xona,U veka marito ya xona embilwini ya wena.+ 23  Loko u tlhelela eka Lowa Matimba Hinkwawo, u ta tlhela u hanya;+Loko u susa swo biha etendeni ra wena, 24  Loko wo cukumeta nsuku entshuriniU cukumeta nsuku wa le Ofiri+ emaribyeni ya le nkoveni, 25  Kutani Lowa Matimba Hinkwawo u ta va nsuku wa wena,U ta va silivhere ya wena ya xiyimo xa le henhla. 26  Kutani u ta tsaka hikwalaho ka Lowa Matimba Hinkwawo,U ta tshemba Xikwembu. 27  U ta xi kombela naswona xi ta ku twa;U ta endla leswi u swi tshembiseke. 28  Lexi u nga ta lava ku xi endla xi ta endleka;Ndlela ya wena yi ta voningeriwa. 29  Hikuva u ta khomisiwa tingana loko u tibuma,Kambe xi ta ponisa lava titsongahataka. 30  Xi ta ponisa lava nga riki na nandzu;Kutani loko u nga ri na nandzu u ta ponisiwa.”

Tinhlamuselo ta le hansi

Hi Xiheveru, “emakumu ka tilo.”
Hi Xiheveru, “nambu.”