Yobo 18:1-21

  • Bilidadi a vulavula ra vumbirhi (1-21)

    • A hlamusela makhombo ya vadyohi (5-20)

    • A vula leswaku Yobo a nga xi tivi Xikwembu (21)

18  Bilidadi+ wa Muxuha a hlamula a ku:   “Xana mi ta miyela rini? Anakanyisisani kahle hi mhaka leyi, leswaku hi ta kota ku vulavula.   Hikwalaho ka yini hi fanele hi tekiwa hi ri swiharhi+ Naswona hi vonaka hi ri swiphukuphuku* ematihlweni ya n’wina?   Hambiloko wo tihandzulela hikwalaho ko hlundzuka,Xana misava yi ta tshikiwa hikwalaho ka wena,Kumbe xana ribye ri ta suka endhawini ya rona?   Kunene rivoni ra lowo homboloka ri ta timiwa,Ndzilo wakwe wu ta timeka.+   Ku vonakala loku nga etendeni rakwe a ku nge he vi kona,Naswona rivoni rakwe ri ta timiwa.   Magoza yakwe ma ta hungutiwa,U ta phijiwa hi makungu yakwe.+   Hikuva milenge yakwe yi ta n’wi yisa eneteni,Naswona u ta tsendzeleka endzeni ka yona.   Xirimbana xi ta n’wi phasa xirhendze;U ta khomiwa hi ntlhamu.+ 10  U rhiyiwe hi ntambhu leyi tumbetiweke ehansi,U vekeriwe ntlhamu endleleni yakwe. 11  Makhombo ma n’wi chavisa matlhelo hinkwawo+ Ma n’wi hlongorisa. 12  U hela matimba,Naswona khombo+ ri ta endla leswaku a dedeleka.* 13  Nhlonge yakwe ya dyiwa;Vuvabyi lebyi nga ni khombo* byi dya swirho swakwe. 14  U susiwa etendeni rakwe leri a a tshamisekile eka rona+A yisiwa eka hosi leyi chavisaka.* 15  Ku ta tshama vanhu van’wana etendeni rakwe;Xivavula xi ta haxiwa ekaya kakwe.+ 16  Timitsu takwe ti ta oma ehansi ka yena,Marhavi yakwe ma ta vuna ehenhla ka yena. 17  A nge he tsundzukiwi emisaveni,Naswona vito rakwe a ri nge tiviwi exitarateni. 18  U ta hlongoriwa eku vonakaleni a ya emunyameni,A hlongoriwa etikweni leri noneke. 19  A nge vi na vana kumbe vatukulu eka varikwavo,Naswona a ku nge vi na munhu la nga ta pona laha a tshamaka kona. 20  Loko siku rakwe ri fika, vanhu va le Vupeladyambu va ta tsemeka nhlana,Ni vanhu va le Vuxeni va ta rhurhumela hi ku chava. 21  Leswi hi leswi endlekaka ematendeni ya munhu la endlaka swo biha,Ni le ndhawini ya loyi a nga xi tivangiki Xikwembu.”

Tinhlamuselo ta le hansi

Kumbexana “lava thyakeke.”
Kumbe “khwita.”
Hi Xiheveru, “Mativula ya rifu.”
Kumbe “rifu ro chavisa.”