Yobo 17:1-16

  • Yobo a ya emahlweni a hlamula (1-16)

    • “Vahlekuri va ndzi rhendzerile” (2)

    • “Xikwembu xi endle leswaku ndzi hlekiwa hi vanhu” (6)

    • “Sirha ri ta va kaya ra mina” (13)

17  “Moya wa mina wu tshoviwile, masiku ya mina ma herile;Ndzi yimeriwe hi sirha.+   Vahlekuri va ndzi rhendzerile,+Naswona tihlo ra mina ri boheka ku vona mitirho ya vona yo pfukela.   Ndzi kombela u ndzi tshembisa leswaku u ta ndzi seketela. Hikuva ku hava loyi a nga ta ndzi seketela.+   Hikuva u tumbetele timbilu ta vona ku twisisa;+Hi yona mhaka u nga va tlakusiki.   Vanhu lava va nga ha avela vanghana va vona swilo,Kambe vana va vona va dlaya hi ndlala.   Xikwembu xi endle leswaku ndzi hlekiwa hi vanhu,+Naswona va ndzi tshwutela exikandzeni.+   Matihlo ya mina a ma ha voni kahle hikwalaho ka gome,+Ndzi ondze ngopfu.   Vanhu vo lulama va hlamala loko va vona leswi,Ni la nga riki na nandzu u karhateka hi la nga chaviki Xikwembu.   Lowo lulama a nga tshiki ku endla leswinene,+Naswona la nga riki na nandzu u ya a va ni matimba.+ 10  Hambiswiritano, mi nga ta hinkwenu mi ta ya emahlweni mi ndzi hlasela hi marito,Hikuva a ndzi si vona wo tlhariha exikarhi ka n’wina.+ 11  Masiku ya mina ma herile;+Makungu ya mina ni leswi ndzi swi navelaka swi helele empfhukeni.+ 12  Va tshamela ku cinca vusiku byi va nhlikanhi,Va ku, ‘Ku vonakala ku fanele ku ri kusuhi hikuva i xinyami.’ 13  Loko ndzo rindza, Sirha* ri ta va kaya ra mina;+Ndzi ta andlala mubedo wa mina emunyameni.+ 14  Ndzi ta vitana khele*+ ndzi ku, ‘U tatana!’ Eka xivungu ndzi ku, ‘U manana ni makwerhu wa xisati!’ 15  Kutani ntshembo wa mina wu kwihi?+ I mani a wu vonaka? 16  Wu* ta rhelela wu nghena etinyangweni ta Sirha,*Loko mina na wona hi rhelela entshurini.”+

Tinhlamuselo ta le hansi

Kumbe “Sheol.” Vona Tinhlamuselo.
Kumbe “sirha.”
Ku nga ntshembo wa mina.
Kumbe “Sheol.” Vona Tinhlamuselo.