Yobo 13:1-28

  • Yobo a ya emahlweni a hlamula (1-28)

    • ‘Swa antswa ndzi vulavula ni Xikwembu’ (3)

    • “Mi vadokodela lava nga pfuniki nchumu” (4)

    • “Ndza swi tiva leswaku a ndzi dyohanga nchumu” (18)

    • Yobo a vutisa leswaku hikwalaho ka yini Xikwembu xi n’wi endla nala (24)

13  “Tihlo ra mina ri swi vonile hinkwaswo leswi,Ndleve ya mina yi swi twile yi tlhela yi swi twisisa.   Leswi mi swi tivaka na mina ndza swi tiva;A mi ndzi tluli.   Swa antswa ndzi vulavula ni Lowa Matimba Hinkwawo hi byakwe,Ndzi lava ku vulavula ni Xikwembu hi mhaka ya mina.+   Kambe n’wina mi ndzi mbyindla hi mavunwa;Hinkwenu mi vadokodela lava nga pfuniki nchumu.+   Loko ntsena a mo miyela mi ku whii,A mi ta va mi tlharihile.+   Ndzi kombela mi yingisa mhaka ya mina,Mi anakanyisisa hi leswi ndzi swi kombelaka.   Xana mi ta vulavulela Xikwembu leswo biha,Naswona xana mi ta vulavula mavunwa hi xona?   Xana mi ta xi yimelela,Kumbe xana mi ta ringeta ku yimela mhaka ya Xikwembu xa ntiyiso?   Xana mi nga pasa loko xo mi kambisisa?+ Xana mi nga xi xisa ku fana ni loko mi xisa munhu? 10  Entiyisweni xi ta mi tshinyaLoko mi ringeta ku va ni xihlawuhlawu exihundleni.+ 11  Xana a mi nge chavisiwi hi vukulukumba bya xona,Mi weriwa hi ku chava loku humaka eka xona? 12  Marito ya n’wina ya vutlhari i swivuriso swa nkuma;Swo tisirhelela swa n’wina a swi tiyanga swi fana ni switlhangu swa vumba. 13  Miyelani, ndzi ta kota ku vulavula. Kutani xin’wana ni xin’wana lexi nga ta ndzi endlekela, a xi endleke! 14  Hikwalaho ka yini ndzi tipeta ekhombyeni* Ndzi khoma vutomi bya mina hi mavoko? 15  Hambiloko xo ndzi dlaya, ndzi ta rindza;+Ndzi ta yimela* mhaka ya mina emahlweni ka xona. 16  Kutani xi ta ndzi ponisa,+Hikuva a ku na munhu la nga chaviki Xikwembu la nga yaka emahlweni ka xona.+ 17  Ndzi yingiseleni kahle;Yingisani leswi ndzi swi vulaka. 18  Vonani, mhaka ya mina se yi lunghekile;Ndza swi tiva leswaku a ndzi dyohanga nchumu. 19  I mani la nga kanetanaka na mina? Ndzi nga fa loko ndzo miyela!* 20  Ndzi kombela u ndzi nyika swilo swimbirhi ntsena, Xikwembu xanga,Leswaku ndzi nga ku tumbeleli: 21  Susa voko ra wena ro tika ri ya ekule na mina,U nga ha yi emahlweni u ndzi chavisa.+ 22  U nga ha ndzi vitana ndzi ta ku hlamula,Kumbe u ndzi tshika ndzi vulavula, wena u ndzi hlamula. 23  Xana ndzi dyohe yini? Ndzi kombe xihoxo ni xidyoho xa mina. 24  Hikwalaho ka yini u ndzi tumbetela xikandza xa wena,+U ndzi teka ndzi ri nala wa wena?+ 25  Xana u ta ringeta ku chavisa kamba leri biwaka hi moyaKumbe u hlongorisa mahlanga lama omeke? 26  Hikuva u tshamela ku hlayisa leswi va ndzi hehlaka hi swona,Naswona u ndzi xupulela swidyoho leswi ndzi swi endleke ndza ha ri muntshwa. 27  U bohe milenge ya mina,U xopaxopa tindlela ta mina hinkwato,U landzelela nkondzo wun’wana ni wun’wana wa mina. 28  Munhu u onhaka ku fana ni nchumu wo bola,Ku fana ni lapi leri dyiweke hi nsumba.

Tinhlamuselo ta le hansi

Hi Xiheveru, “Hikwalaho ka yini ndzi rhwala nyama ya mina hi meno?”
Kumbe “lwela.”
Kumbexana “Loko ku ri na loyi a nga swi kotaka, ndzi ta miyela ndzi fa.”