Yobo 12:1-25

  • Yobo a hlamula (1-25)

    • “A mi ndzi tluli” (3)

    • “Va ndzi hleka” (4)

    • “Xikwembu xi ni vutlhari” (13)

    • Xikwembu xi ni matimba ku tlula vaavanyisi ni tihosi (17, 18)

12  Hiloko Yobo a hlamula a ku:   “I ntiyiso leswaku mi ni vutivi,Naswona mi ta fa ni vutlhari bya n’wina!   Kambe na mina ndzi ni ku twisisa.* A mi ndzi tluli. I mani la nga swi tiviki swilo leswi?   Vanghana va mina va ndzi hleka,+Va hleka munhu la kombelaka mpfuno eka Xikwembu.+ Munhu la lulameke, la nga riki na xisandzu, u hundzuke xihlekiso.   Lava nga karhatiwiki hi nchumu, va hleka lava weriwaka hi khombo,Va ehleketa leswaku makhombo ma wela ntsena lava nga emaxangwini.*   Ematendeni ya swigevenga ku ni ku rhula,+Lava tlhontlhaka Xikwembu va sirhelelekile,+Lava xikwembu xa vona xi nga emavokweni ya vona.   Kambe, ndzi kombela u vutisa swiharhi, swi ta ku dyondzisa;Ni swinyenyana swi ta ku byela.   Kumbe kambisisa* swilo leswi nga emisaveni, swi ta ku dyondzisa;Ni tihlampfi ta lwandle ti ta ku byela.   Hi xihi eka swilo leswi hinkwaswo lexi nga swi tivikiLeswaku xi endliwe hi voko ra Yehovha? 10  Vutomi bya xin’wana ni xin’wana lexi hanyaka byi le vokweni rakweNi moya wa vanhu hinkwavo.+ 11  Xana ndleve a yi ringi maritoHilaha ririmi ri ringaka swakudya hakona?+ 12  Xana vutlhari a byi na lava kuleke,+Naswona xana ku twisisa a ku na lava masiku? 13  Xikwembu xi ni vutlhari ni matimba;+Xa twisisa+ naswona xi ta endla ku rhandza ka xona. 14  Loko xi hirimuxa nchumu wo karhi, a wu nge tlheli wu akiwa;+Loko xi pfarile, a ku na munhu la nga pfulaka. 15  Loko xi khoma mati, swilo hinkwaswo swa oma;+Loko xi ma rhumela ma tata misava.+ 16  Xi ni matimba ni vutlhari;+Loyi a hambukaka ni loyi a hambukisaka van’wana, hinkwavo i va xona; 17  Xi endla vatsundzuxi va famba hi mikondzo,*Naswona xi endla vaavanyisi va va swiphukuphuku.+ 18  Xi tekela tihosi vuhosi bya tona,+Xi ti boha hi bandhi ra vuhlonga. 19  Xi endla leswaku vaprista va famba hi mikondzo,+Xi wisa ni lava nga ni matimba yo fuma;+ 20  Xi endla leswaku vatsundzuxi lava tshembiwaka va pfumala rito,Xi tekela ni vavanuna* lava kuleke vutlhari bya vona; 21  Xi khomisa vanhu va xiyimo xa le henhla tingana,+Xi endla leswaku lava nga ni matimba va tsana;* 22  Xi paluxa swilo swo enta leswi nga emunyameni,+Xi hundzula munyama lowukulu wu va ku vonakala; 23  Xi endla matiko ma kula leswaku xi ta ma lovisa;Xi andzisa matiko leswaku xi ta ma yisa evuhlongeni. 24  Xi tekela varhangeri ku twisisaNi ku va tsendzelekisa emananga laha ku nga riki na ndlela.+ 25  Va mbambela emunyameni,+ laha ku nga riki na ku vonakala;Xi va endla va tsendzeleka ku fana ni swidakwa.+

Tinhlamuselo ta le hansi

Hi Xiheveru, “mbilu.”
Kumbe “rhetaka.”
Kumbexana “vulavula ni.”
Kumbe “va nga ambalanga nchumu.”
Kumbe “vakulukumba.”
Hi Xiheveru, “tshunxa mabandhi ya lava nga ni matimba.”