Yobo 10:1-22

  • Yobo a ya emahlweni a hlamula (1-22)

    • ‘Hikwalaho ka yini Xikwembu xi lwa na mina?’ (2)

    • Ku hambana exikarhi ka Xikwembu na Yobo (4-12)

    • ‘Onge ndzi nga beriwanyana hi moya’ (20)

10  “Ndzi venga vutomi bya mina.+ Ndzi ta phofula leswi ndzi karhataka. Ndzi ta vulavula hikwalaho ka leswi ndzi twaka ku vava!   Ndzi ta byela Xikwembu ndzi ku: ‘U nga vuli leswaku ndzi ni nandzu. Ndzi byele leswaku hikwalaho ka yini u lwa na mina.   Xana swa ku pfuna ku tshikilela vanhu,Ku nyenya ntirho wa mavoko ya wena+U ri karhi u yima ni makungu ya lavo homboloka?   Xana u ni matihlo yo fana ni ya vanhu,Kumbe xana u vona ku fana ni munhu?   Xana masiku ya wena ma fana ni masiku ya vanhu,Kumbe xana malembe ya wena ma fana ni malembe ya munhu,+   Lerova u nga ndzi xopaxopa swihoxoNi ku tshamela ku lavisisa swidyoho swa mina?+   Wa swi tiva leswaku a ndzi na nandzu;+Naswona a nga kona la nga ta ndzi lamulela eka wena.+   Mavoko ya wena hi wona ma nga ndzi vumba ma tlhela ma ndzi endla,+Kambe sweswi u lava ku ndzi lovisa.   Ndzi kombela u tsundzuka leswaku u ndzi endle hi vumba+Kambe sweswi u ndzi tlherisela entshurini.+ 10  Xana a wu ndzi chululanga ku fana ni ntswambaU ndzi tiyisa ku fana ni chizi? 11  U ndzi ambexe nhlonge ni nyamaU ndzi luka hi marhambu ni misiha.+ 12  U ndzi nyike vutomi u tlhela u ndzi rhandza;U ndzi hlayisile u ndzi sirhelela.+ 13  Kambe u kunguhate ku endla swilo leswi exihundleni.* Ndza swi tiva leswaku swilo leswi swi vangiwa hi wena. 14  Loko a ndzi dyohile a wu ta ndzi vona,+Naswona a wu nga ta ndzi rivalela. 15  Loko ndzi ri ni nandzu, swa mina swa vava! Hambiloko ndzi nga ri na nandzu, a ndzi nge yi tlakusi nhloko ya mina,+Hikuva ndzi tele hi tingana ni ku xaniseka.+ 16  Loko ndzi tlakusa nhloko, u ndzi hlota ku fana ni nghala,+U tlhela u lwa na mina hi matimba ya wena. 17  U ndzi tisela timbhoni letintshwa ti ta ndzi lumbetaNaswona u ya u ndzi hlundzukela,Loko ndzi ri karhi ndzi weriwa hi makhombo hi ku landzelelana. 18  Kutani hikwalaho ka yini u ndzi humesile ekhwirini?+ A ndzi fanele ndzi file ndzi nga si voniwa. 19  A swi ta fana ni loko ndzi nga si tshama ndzi va kona;A ndzi ta va ndzi nambe ndzi susiwe ekhwirini ndzi yisiwa esirheni.’ 20  Xana masiku ya mina a hi matsongo?+ A xi ndzi tshike;A xi langute ekule na mina leswaku ndzi ta beriwanyana hi moya+ 21  Ndzi nga si ya etikweni ra munyama lowukulu,*+Laha ndzi nga taka ndzi nga ha vuyi,+ 22  Etikweni ra munyama lowukulu,Tiko ra xinyami lexikulu ni hasahasa,Laha hambi ku ri ku vonakala ku fanaka ni munyama.”

Tinhlamuselo ta le hansi

Hi Xiheveru, “Swilo leswi u swi tumbete embilwini ya wena.”
Kumbe “ra munyama ni ra ndzhuti wa rifu.”