Vakolosa 3:1-25
3 Hambiswiritano, loko mi pfuxiwe swin’we na Kreste,+ lavani swilo swa le henhla, laha Kreste a tshameke kona evokweni ra xinene ra Xikwembu.+
2 Mianakanyo ya n’wina a yi tshame yi ri eka swilo swa le tilweni,+ ku nga ri eka swilo swa laha misaveni.+
3 Hikuva mi file, kutani vutomi bya n’wina byi fihliwe na Kreste loyi a nga ni vun’we ni Xikwembu.
4 Loko Kreste loyi a nga vutomi bya hina+ a humelela, na n’wina mi ta humelela na yena eku vangameni kakwe.+
5 Hikwalaho, dlayani swirho swa miri wa n’wina+ leswi nga emisaveni ku nga ku tikhoma ko biha hi swa masangu,* thyaka, ku navela ka timhaka ta masangu loku nga lawulekiki,+ ku navela loku vavisaka ni makwanga, ku nga ku gandzela swikwembu swa hava.
6 Vukarhi bya Xikwembu bya ta hikwalaho ka swilo sweswo.
7 Khale na n’wina a mi hanya tano.+
8 Kambe sweswi mi fanele mi cukumeta hinkwaswo ekule na n’wina: vukarhi, ku hlundzuka, vubihi,+ nhlambha+ ni mavulavulelo lama thyakeke.+
9 Mi nga hembelani.+ Hluvulani vumunhu* bya khale+ ni mikhuva ya byona,
10 mi ambala vumunhu lebyintshwa,+ lebyi hi ku ya hi vutivi bya ntiyiso byi endliwaka byi va lebyintshwa hi ku ya hi xifaniso xa Loyi a byi tumbuluxeke,+
11 laha ku nga riki na Mugriki kumbe Muyuda, munhu loyi a yimbeke kumbe loyi a nga yimbangiki, munhu loyi a humaka etikweni rin’wana, Muskita,* hlonga kumbe munhu loyi a nga riki hlonga; kambe Kreste i swilo hinkwaswo eka vanhu hinkwavo.+
12 Hikwalaho, leswi mi nga vahlawuriwa va Xikwembu+ vo kwetsima ni lava rhandziwaka, ambalani tintswalo ni rirhandzu,+ musa, ku titsongahata,+ ku rhula+ ni ku lehisa mbilu.+
13 Yanani emahlweni mi lehiselana mbilu ni ku rivalelana hi ku tshunxeka+ hambiloko munhu a ri ni xivangelo xa ku vilerisiwa hi un’wana.+ Tanihi leswi Yehovha* a mi rivaleleke hi ku tshunxeka, na n’wina mi fanele mi endla tano.+
14 Kambe, ku engetela eka swilo leswi hinkwaswo, ambalani rirhandzu+ hikuva ri endla leswaku vanhu hinkwavo va va ni vun’we hilaha ku heleleke.+
15 Nakambe, ku rhula ka Kreste a ku lawule timbilu ta n’wina,+ hikuva mi vitaneriwe eku rhuleni koloko hi miri wun’we. Kutani khensani mikarhi hinkwayo.
16 Rito ra Kreste a ri tirhe eka n’wina hilaha ku heleleke, ri mi tlharihisa. Yanani emahlweni mi dyondzisana ni ku khutazana* hi tipisalema,+ tinsimu to dzunisa Xikwembu, tinsimu to dzunisa leti yimbeleriwaka hi ntsako lowukulu, mi yimbelelela Yehovha* etimbilwini ta n’wina.+
17 Xin’wana ni xin’wana lexi mi xi vulaka kumbe ku xi endla, endlani hinkwaswo hi vito ra Hosi Yesu, mi khensa Xikwembu Tatana ha yena.+
18 N’wina vavasati, titsongahateni eka vanuna va n’wina,+ tanihi leswi swi fanelaka eHosini.
19 N’wina vavanuna, tshamani mi ri karhi mi rhandza vasati va n’wina+ naswona mi nga va hlundzukeli ku tlula mpimo.+
20 N’wina vana, yingisani vatswari va n’wina eka swilo hinkwaswo,+ hikuva leswi swi tsakisa Hosi swinene.
21 N’wina vatatana, mi nga hlundzukisi vana va n’wina,+ leswaku va nga heli mbilu.*
22 N’wina malandza, yingisani vini va n’wina+ eka xin’wana ni xin’wana, ku nga ri loko va mi langutile ntsena leswaku mi tsakisa vanhu, kambe hi mbilu hinkwayo, hi ku chava Yehovha.*
23 Hinkwaswo leswi mi swi endlaka, swi endleni hi mbilu ni matimba ya n’wina hinkwawo onge hi loko mi swi endlela Yehovha,*+ ku nga ri vanhu,
24 hikuva ma swi tiva leswaku Yehovha* u ta mi nyika ndzhaka yi va hakelo ya n’wina.+ Vanani malandza ya N’wini wa n’wina ku nga Kreste.
25 Hakunene loyi a endlaka swilo leswo homboloka u ta xupuriwa hikwalaho ka vuhomboloki byakwe,+ hikuva Xikwembu a xi na xihlawuhlawu.+
Tinhlamuselo ta le hansi
^ Hi Xigriki, i por·nei′a. Vona Tinhlamuselo.
^ Hi Xigriki, “munhu.”
^ “Muskita” a ku vuriwa munhu loyi a nga hluvukangiki.
^ Vona Xiengetelo A5.
^ Kumbe “tsundzuxana.”
^ Vona Xiengetelo A5.
^ Kumbe “heli matimba.”
^ Vona Xiengetelo A5.
^ Vona Xiengetelo A5.
^ Vona Xiengetelo A5.
