Swivuriso 9:1-18

  • Vutlhari bya ntiyiso byi humesa xirhambo (1-12)

    • “Masiku ya wena ma ta tala hikwalaho ka vutlhari” (11)

  • Wansati wa xiphukuphuku u humesa xirhambo (13-18)

    • “Mati lama yiviweke ma tsokombela” (17)

9  Vutlhari bya ntiyiso byi ake yindlu ya byona;Byi kovotle tiphuphu ta byona ta nkombo.   Byi tlhave xifuwo xa byona;Byi pfanganise vhinyo ya byona;Byi tlhele byi phamela swakudya etafuleni ra byona.   Byi rhumele malandza ya byona ya xisatiLeswaku ma huwelela ma ri ehenhla ka muti ma ku:+   “Loyi a nga riki na ntokoto, a a te haleno.” U byela loyi a nga tlharihangiki a ku:   “Tana u ta dya xinkwa xa minaU nwa vhinyo leyi ndzi yi pfanganiseke.   Tshika ku va xiphukuphuku* kutani u hanya;+Famba hi ndlela ya ku twisisa.”+   Loyi a tsundzuxaka muhlekuri u tivangela tingana,+Naswona loyi a tshinyaka munhu wo homboloka u ta vaviseka.   U nga n’wi tshinyi muhlekuri hikuva u ta ku venga.+ Tshinya munhu wo tlhariha kutani u ta ku rhandza.+   Letela munhu wo tlhariha, u ta ya a tlhariha ngopfu.+ Dyondzisa munhu wo lulama, yena u ta engetela vutivi byakwe. 10  Ku chava Yehovha i masungulo ya vutlhari,+Naswona ku twisisa i ku tiva Lowo Kwetsima Ngopfu.+ 11  Hikuva masiku ya wena ma ta tala hikwalaho ka vutlhari,+Naswona u ta engeteleriwa malembe ya ku hanya. 12  Loko wo tlhariha, swi ta pfuna wena,Kambe loko u ri muhlekuri, u ta langutana ni vuyelo bya kona u ri wexe. 13  Wansati wa xiphukuphuku u ni pongo.+ A nga na mhaka na nchumu naswona a nga tivi nchumu. 14  U tshama enyangweni ya yindlu yakweExitulwini lexi nga etindhawini leti tlakukeke ta muti,+ 15  U huwelela lava hundzaka hi ndlela,Lava tifambelaka a ku: 16  “Loyi a nga riki na ntokoto, a a te haleno.” U byela lava nga tlharihangiki a ku:+ 17  “Mati lama yiviweke ma tsokombela,Ni swakudya leswi dyeriwaka exihundleni swa nandziha.”+ 18  Kambe a va swi tivi leswaku yindlu yakwe yi tele hi vafi,Leswaku vaendzi vakwe va le Sirheni.*+

Tinhlamuselo ta le hansi

Kumbe “lava nga riki na ntokoto.”
Kumbe “Sheol.” Vona Tinhlamuselo.