Swivuriso 5:1-23

  • Xitsundzuxo mayelana ni vavasati lava tikhomaka hi ndlela yo biha (1-14)

  • Tsaka hi nsati wa wena (15-23)

5  N’wananga, yingisa marito ya mina ya vutlhari. Rhiya ndleve u yingisa ku twisisa ka mina,+   Leswaku u rindza vuswikoti bya wena byo ehleketaU hlayisa vutivi hi milomu ya wena.+   Hikuva milomu ya wansati wa nghwavava* yi thona ku fana ni xihlenge xa vulombe,+Naswona nomu wakwe wu olova ku tlula mafurha.+   Kambe eku heteleleni u bava ku fana ni xibaha+U kariha ku fana ni banga leri tsemaka matlhelo hamambirhi.+   Milenge yakwe yi yisa eku feni. Magoza yakwe ma yisa eSirheni.*   A nga anakanyisisi hi ndlela ya vutomi. U tsendzelekile etindleleni takwe kambe a nga ku tivi lomu ti yaka kona.   Vana va mina, ndzi yingiseniMi nga swi fularheli leswi ndzi swi vulaka.   Fambela ekule na yena;U nga tshineli ekusuhi ni nyangwa ya yindlu yakwe,+   Leswaku u nga tisusi xindzhuti+Kutani u hanya vutomi bya wena hinkwabyo u ri karhi u xaniseka;+ 10  Leswaku vafambi va nga teki rifuwo ra wena+Ni swilo leswi u swi tirheleke swi ya endlwini ya muluveri. 11  Loko swi nga ri tano, u ta twa ku vava loko u ri kusuhi ni ku faLoko nyama ni miri wa wena swi hela matimba+ 12  Kutani u ku: “Ndzayo a ndzi yi venga swinene! A ndzi ku tekela ehansi ku tshinyiwa! 13  A ndzi va yingisanga valeteri va minaKumbe ku rhiya ndleve eka vadyondzisi va mina. 14  Ndzi le kusuhi ni ku lovaExikarhi ka ntshungu hinkwawo.”+ 15  Nwana mati exihlobyeni xa wenaNi mati lama khulukaka ma huma ekheleni ra wena.+ 16  Hikwalaho ka yini u lava leswaku mati ya swihlovo swa wena ma khulukela ehandle,Ni swinambyana swa wena swa mati swi khulukela erivaleni leri nga exikarhi ka muti?+ 17  A swi ve swa wena ntsenaU nga siyerisani ni vafambi.+ 18  Xihlovo xa wena a xi katekisiwe,Tsaka hi nsati wa vuntshwa bya wena,+ 19  Mhunti leyi nga ni rirhandzu, mbuti yo saseka ya le ntshaveni.+ Mavele yakwe a ma ku tsakise nkarhi hinkwawo. Onge u nga nyanyuriwa hi rirhandzu rakwe nkarhi hinkwawo.+ 20  Kutani n’wananga, hikwalaho ka yini u fanele u nyanyuriwa hi wansati wa nghwavava*Kumbe u angarha mavele ya wansati la nga ni mahanyelo yo biha?*+ 21  Hikuva Yehovha wa yi vona ndlela leyi munhu a hanyaka ha yona;U kambisisa tindlela takwe hinkwato.+ 22  Lowo homboloka u phasiwa hi swihoxo swakwe,Swidyoho swakwe swi ta fana ni tintambu leti n’wi boheke.+ 23  U ta fa hikwalaho ka leswi a aleke ndzayoA tlhela a hambuka hikwalaho ka vuphukuphuku byakwe lebyikulu.

Tinhlamuselo ta le hansi

Kumbe “eSheol.” Vona Tinhlamuselo.