Swivuriso 28:1-28

  • Xikhongelo xa munhu la nga yingisiki xa nyenyetsa (9)

  • Munhu la vulaka swidyoho swakwe u kombiwa musa (13)

  • La hatliselaka ku kuma rifuwo a nge tshami a nga ri na nandzu (20)

  • Ku tshinyiwa swa antswa ku tlula ku tlhomiwa tinsiva (23)

  • La hananaka a nga pfumali nchumu (27)

28  Lavo homboloka va baleka ku nga ri na loyi a va hlongorisaka,Kambe lavo lulama va ni xivindzi ku fana ni nghala.*+   Loko ku va ni ku xandzuka* etikweni, ku ta tshama ku ri karhi ku fuma tihosana to hambanahambana,+Kambe hosana yi ta tshama nkarhi wo leha hikwalaho ko pfuniwa hi munhu la twisisaka a tlhela a va ni vutivi.+   Xisiwana lexi dyelelaka lava pfumalaka+Xi fana ni mpfula leyi khukhulaka swakudya hinkwaswo.   Lava tshikaka ku yingisa nawu va dzunisa lowo homboloka,Kambe va hlundzukela lava yingisaka nawu.+   Vanhu vo homboloka a va nge byi twisisi vululami,Kambe lava lavaka Yehovha va nga swi twisisa hinkwaswo.+   Xa antswa xisiwana lexi fambaka hi ku tshembekaEmatshan’weni ya xifumi lexi tindlela ta xona ti hombolokeke.+   N’wana la twisisaka u yingisa nawu,Kambe munghana wa vanhu va makolo u khomisa tata wakwe tingana.+   La engetelaka rifuwo rakwe hi ku lava ntswalo+ wa le henhlaU ri hlengeletela loyi a kombisaka swisiwana tintswalo.+   La alaka ku yingisa nawuHambi ku ri xikhongelo xakwe xa nyenyetsa.+ 10  La kanganyisaka lavo lulama leswaku va endla leswo biha u ta wela emugodini wakwe,+Kambe lava nga riki na nandzu va ta kuma ndzhaka leyinene.+ 11  Munhu la fuweke u tlharihile ematihlweni yakwe,+Kambe xisiwana lexi ehleketaka xa swi vona leswi a nga swona.+ 12  Loko lavo lulama va hlula, ku va ni ku tsaka lokukulu,Kambe loko lavo homboloka va sungula ku fuma, vanhu va tumbela.+ 13  La fihlaka swidyoho swakwe a swi nge n’wi fambeli kahle,+Kambe la swi vulaka kutani a swi tshika, u ta kombiwa musa.+ 14  Wa tsaka munhu la tshamaka a rindzile,*Kambe loyi a nonon’hwisaka mbilu yakwe u ta wela ekhombyeni.+ 15  Mufumi wo homboloka la fumaka vanhu lava nga kotiki ku tilwelaU fana ni nghala leyi bongaka ni bere leyi mpfhumpfhaka.+ 16  Murhangeri la nga twisisiki u tirhisa matimba yakwe hi ndlela yo biha,+Kambe la vengaka ku vuyeriwa hi vukanganyisi u ta lehisa vutomi byakwe.+ 17  Munhu la tikiwaka hi nandzu wo dlaya munhu un’wana, u ta tshamela ku baleka a kondza a ya nghena esirheni.*+ Ku nga vi na munhu loyi a n’wi pfunaka. 18  La fambaka hi ku tshembeka u ta ponisiwa,+Kambe loyi tindlela takwe ti hombolokeke u ta wa hi ku hatlisa.+ 19  La rimaka misava yakwe u ta va ni xinkwa xo tala,Kambe loyi a endlaka swilo leswi nga pfuniki nchumu u ta va xisiwana lexikulu.+ 20  Munhu wo tshembeka u ta kuma mikateko yo tala,+Kambe la hatliselaka ku kuma rifuwo a nge tshami a nga ri na nandzu.+ 21  A hi swinene ku va ni xihlawuhlawu;+Kambe munhu a nga ha endla swilo swo biha leswaku a kuma xinkwa. 22  Munhu wa mavondzo* u tikarhatela ku kuma rifuwo,A nga swi tivi leswaku u ta weriwa hi vusiwana. 23  La tshinyaka munhu un’wana+ u ta tsakeriwa swinene endzhaku ka sweswo+Ku tlula munhu loyi a tlhomaka van’wana tinsiva hi ririmi rakwe. 24  La kanganyisaka tata wakwe ni mana wakwe kutani a ku, “A swi bihanga,”+U tirhisana ni munhu la onhaka.+ 25  Munhu wa makwanga u pfuxa mholovo,Kambe la tshembaka Yehovha swi ta n’wi fambela kahle.*+ 26  La tshembaka mbilu yakwe i xiphukuphuku,+Kambe la fambaka hi vutlhari u ta pona.+ 27  La nyikaka swisiwana a nge pfumali nchumu,+Kambe la tipfalaka matihlo leswaku a nga swi voni u ta rhukaniwa ngopfu. 28  Loko lavo homboloka va sungula ku fuma, vanhu va tumbela,Kambe loko va lova, lavo lulama va tala.+

Tinhlamuselo ta le hansi

Kumbe “xinghalana.”
Hi Xiheveru, “tluriwa ka nawu.”
Kumbe “loyi a nga chaviki nchumu.”
Kumbe “emugodini.”
Kumbe “makwanga.”
Hi Xiheveru, “u ta nona.”