Swivuriso 24:1-34
24 U nga va naveli vanhu vo biha,U nga swi naveli ku tolovelana na vona,+
2 Hikuva timbilu ta vona ti anakanyisisa hi madzolonga,Milomu ya vona yi vulavula hi ku endla swilo swo biha.
3 Yindlu* yi akiwa hi vutlhari,+Naswona yi sirheleriwa hi ku twisisa.
4 Hi vutivi, makamara ya yona ma teleHi swilo hinkwaswo swa nkoka ni leswi tsakisaka.+
5 Munhu wo tlhariha u ni matimba swinene,+Naswona hi vutivi munhu u engetela matimba yakwe.
6 U ta lwa nyimpi ya wena hi nkongomiso wa vutlhari,+Laha ku nga ni vatsundzuxi vo tala ku ni ku hlula.*+
7 Xiphukuphuku a xi na byona vutlhari bya ntiyiso;+A xi na swo swi vula egedeni ya muti.
8 Un’wana ni un’wana loyi a kunguhataka swilo swo biha
U ta vuriwa mukanganyisi lonkulu.+
9 Makungu ya xiphukuphuku i xidyoho,Naswona vanhu va n’wi nyenya muhlekuri.+
10 Loko u hela matimba hi siku ra maxangu,*Matimba ya wena ma ta va matsongo.
11 Ponisa lava yisiwaka eku feni,Kutsula lava tshetshelekaka va ya eku dlayiweni.+
12 Loko u ku, “Kambe a hi nga swi tivi leswi,”Xana Loyi a kambisisaka timbilu* a nga yi tivi miehleketo ya wena?+
Ina, Loyi a ku languteke u ta yi tivaNaswona u ta hakela un’wana ni un’wana hi ku ya hi ntirho wakwe.+
13 N’wananga, dyana vulombe hikuva i byinene;Vulombe lebyi humaka exihlengeni bya tsokombela.
14 Hilaha ku fanaka, swi tive leswaku vutlhari i byinene eka wena.+
Loko u byi kuma u ta va ni vumundzukuNtshembo wa wena a wu nge herisiwi.+
15 U nga tumbeleli lowo lulama ekusuhi ni kaya rakwe hi xikongomelo xo biha;U nga lovisi ndhawu yakwe yo wisela eka yona.
16 Hikuva lowo lulama a nga ha wa ka nkombo kambe u ta tlhela a pfuka,+Kambe lowo homboloka u ta wisiwa hi khombo.+
17 Loko nala wa wena a wa u nga tsaki,Loko a phijeka, mbilu ya wena yi nga tsaki;+
18 Hikuva Yehovha u ta swi vona naswona a swi nge n’wi tsakisi,Kutani U ta tshika ku n’wi* hlundzukela.+
19 U nga hlundzukisiwi hi vanhu lava endlaka swilo swo biha;U nga va naveli vanhu vo homboloka,
20 Hikuva lavo biha a va na byona vumundzuku;+Rivoni ra lavo homboloka ri ta timiwa.+
21 N’wananga, chava Yehovha ni hosi.+
U nga tolovelani ni vakaneti,+
22 Hikuva khombo ra vona ri ta fika hi xitshuketa.+
I mani loyi a tivaka khombo leri va* nga ta va tisela rona?+
23 Marito lawa na wona i ya lavo tlhariha:
A hi swinene ku va ni xihlawuhlawu loko u avanyisa.+
24 Loyi a byelaka lowo homboloka a ku, “U lulamile,”+Vanhu va ta n’wi rhukana naswona matiko ma ta n’wi sola.
25 Kambe lava n’wi tshinyaka, swilo swi ta va fambela kahle;+Va ta katekisiwa hi swilo leswinene.+
26 Vanhu va ta n’wi xixima* loyi a hlamulaka hi ku tshembeka.*+
27 Hlela ntirho wa wena naswona u lunghisa swilo leswi lavekaka ensin’wini;Kutani u aka yindlu* ya wena.
28 U nga vuli mhaka yo karhi leswaku u lwisana ni munhukuloni ku nga ri na xivangelo.+
U nga tirhisi nomu wa wena ku kanganyisa van’wana.+
29 U nga vuli u ku: “Ndzi ta n’wi endla leswi a ndzi endleke swona;Ndzi ta endla leswi na yena a swi endleke.”*+
30 Ndzi hundze hi le nsin’wini ya lolo,+Hi le nsin’wini ya madiriva ya munhu loyi a nga tlharihangiki.
31 Ndzi vone yi tlhumile hi nhova;Misava ya kona a yi funengetiwe hi mitwa,Naswona khumbi ra yona ra maribye a ri hirimuxiwile.+
32 Ndzi swi xiyile kutani ndzi anakanyisisa hi swona;Ndzi swi vonile kutani ndzi dyondze leswi:
33 Ku etlelanyana, ku khudzehelanyana,Ku khondlanyana mavoko leswaku u wisa,
34 Kutani vusiwana bya wena byi ta ta ku fana ni khamba,Ni ku navela ka wena ku fana ni munhu loyi a hlomeke.+
Tinhlamuselo ta le hansi
^ Kumbe “Muti.”
^ Kumbe “swi famba kahle; ponisiwa.”
^ Kumbe “hi nkarhi wa maxangu.”
^ Kumbe “swikongomelo.”
^ Ku nga nala.
^ Ku nga Yehovha ni hosi.
^ Hi Xiheveru, “va ta tswontswa milomu ya.”
^ Kumbexana “Ku hlamula hi ku kongoma swi fana ni ku tswontswa.”
^ Kumbe “muti.”
^ Kumbe “Ndzi ta tirihisela eka yena.”
